Sársenbi, 11 shilde 2012 7:23
Aıyp naqty ma, álde…
Lıvandaǵy «Hezbolla» ıslamdyq uıymy AQSh pen Izraılge jaqtasyp,tyńshylyq jasady degen kúdikpen 3 azamatty tutqynǵa aldy.Kúdiktiler Mohammed ál-Hýseını, Jıhad Jalýl, Mohammed ál-Sabaa2012 jyldyń maýsym aıynda Beırýt qalasynyń ońtústik bóligindeustalǵan bolatyn.
Sársenbi, 11 shilde 2012 7:23
Aıyp naqty ma, álde…
Lıvandaǵy «Hezbolla» ıslamdyq uıymy AQSh pen Izraılge jaqtasyp,tyńshylyq jasady degen kúdikpen 3 azamatty tutqynǵa aldy.Kúdiktiler Mohammed ál-Hýseını, Jıhad Jalýl, Mohammed ál-Sabaa2012 jyldyń maýsym aıynda Beırýt qalasynyń ońtústik bóligindeustalǵan bolatyn.
«Ál-Arabııanyń» málimetinshe, olar «Hezbollanyń» belsendi músheleri bolǵan jáne osy toptyń jaýyngerleri týraly aqparattarmen AQSh-tyń Ortalyq barlaý basqarmasyn, sondaı-aq, ızraıldik «Mossad» barlaý tobyn qamtamasyz etip otyrǵan. Alaıda, «An-Nahar» basylymy ustalǵandardyń «Hezbollanyń» quramyna kirmegenin alǵa tartýda.
Asta-tók tirshilikke shekteý
Qytaı úkimeti memlekettik mekemelerge bıýdjet qarjylaryn baǵalyzattar men tym qymbat turatyn sheteldik saparlarǵa bılettersatyp alýǵa jáne úlken qabyldaýlar jasaýǵa shekteý qoıyp, tyıymsalmaq. Bul týraly Bloomberg agenttigi málimdedi.
Arnaıy málimetterge súıensek, Qytaı sheneýnikteri 2004 jyly 408,5 mlrd. ıýanǵa jýyq qarjyny (shamamen 64 mlrd. dollar) kólik qyzmet túrlerine, 200 mlrd. ıýandy memleket esebinen tamaqtanýǵa jáne 300 mlrd. ıýandy sheteldik is-saparlarǵa jumsaǵan kórinedi. Biraq, búginde keıingi jyldarǵa saraptama jasaıtyn aqparat áli de jarııalanbaı otyr. Eger, sońǵy jyldary bıýdjet shyǵyndarynyń birneshe ese óskenin eskersek, sońǵy jyldary eldegi qarjylyq shyǵyndardyń anaǵurlym óskenin baǵamdaýǵa bolady.
О́rt sóndirýshiler jumyssyz qala ma?
Reseı Federasııasynyń Tótenshe jaǵdaılar mınıstrligi vedomstvoǵaqaraıtyn Federaldyq órtke qarsy kúres qyzmetiniń quramyn 40 myńazamatqa deıin qysqartý jóninde sheshim qabyldady. Bul týraly «RIA Novostı» agenttigi málimdedi.
Agenttiktiń habarlaýynsha, 2013 jyly qyzmetkerler sanyn 20 paıyzǵa deıin qysqartý kózdelip otyrǵan kórinedi. Alaıda, aqparat kózi Federaldyq órtke qarsy kúres qyzmetiniń quramyn qysqartý bastamasyn kim kótergeni jaıly naqty aqparat bermegen. «RIA Novostıdiń» habarlaýynsha, órt sóndirýshiler sanyn qysqartý Tótenshe jaǵdaılar mınıstrligin qaıta reformalaý úderisi aıasynda júrgizilmek.
Bılikten ketý-ketpeýi belgisiz
Rýmynııa prezıdenti Traıan Beseský eldegi joǵary bılik tizginin parlament spıkeri Krın Antoneskýge berý týraly uıǵarymǵa keldi. Beseský mundaı qadamǵa Konstıtýsııalyq sot parlament sheshimin qabyldaǵannan keıin baryp otyr. Parlament sheshiminde memleket basshysyna ımpıchment jarııalanǵan bolatyn.
Rýmynııada 29 shildede referendým ótkizilip, onda parlamenttiń ımpıchment jarııalaý týraly sheshimin qabyldaý ıa qabyldamaý máselesi túbegeıli sheshiletin bolady. Al eger, Beseský bılikten óz erkimen ketý týraly sheshimge keletin bolsa, elde qandaı jaǵdaı oryn alatyny belgisiz. 6 shilde kúni rýmynııalyq parlamentshiler qazirgi prezıdentti bılikten ketirý týraly másele kótergen bolatyn.
Qylmystyń sebebi anyqtalmady
Fransııadaǵy Vıtrı-sıýr-Sen qalasyndaǵy balabaqshaǵa basa-kóktep kirip, ondaǵy azamattar men tárbıelenýshilerdi tutqynǵa alǵan qylmysker quryqtaldy.
Budan buryn aqparat kózderinde qylmysker sońǵy tutqyndy – balabaqsha tárbıelenýshisiniń jaqynyn bosatty degen málimet taralǵan.
«Agence France-Presse»-tiń keltirgen derekteri boıynsha, bul jaǵdaı polısııa ókilderimen bolǵan kelissózderden keıin júzege asqan. Arnaıy málimetter boıynsha, olardyń eshqaısysy zardap shekpegen. 30 jastaǵy qylmysker buryn áskerı azamat bolǵan. Ony mundaı is-áreketke qandaı jaǵdaı ıtermelegeni jáne qylmysqa ne úshin barǵany jaıly áli naqty aqparat taratylmaı otyr.
Bir aıyptan bir aıyp
Ierýsalımniń óńirlik soty Izraıldiń burynǵy premer-mınıstri Ehýd Olmertke taǵylǵan óz ókilettiligin asyra paıdalandy jáne saılaý naýqany kezinde para aldy degen aıyptan bosatý týraly sheshim qabyldady. Alaıda, Associated Press agenttiginiń málimeti boıynsha, sot E. Olmertti ony basqa da qylmystyq is-áreketine qatysty aıypty retinde tanyp otyr.
Eger de onyń jasaǵan qylmysy áshkerelenetin bolsa, burynǵy premer-mınıstr 5 jyldyq merzimge túrmege otyrǵyzylatyn bolady. Sottyń sheshimine sáıkes, E. Olmert 2003-2005 jyldar aralyǵynda О́nerkásip, saýda jáne eńbek mınıstri laýazymyn atqaryp turǵan kezinde memlekettik ınvestısııalyq qorǵa qysym kórsetken, sol arqyly óziniń tanys kásipkerlerine sýbsıdııalar men jeńildikter alyp berý qadamdaryna barǵan.
Qysqa qaıyryp aıtqanda:
«Fýkýsıma-1» AES-indegi alapat apatqa, buǵan deıin málimdelgendeı, tabıǵı kataklızmder emes, adamı faktor, ıaǵnı sala mamandary men Terso kompanııa-operatorynyń óz isine degen jaýapsyzdyǵy men nemquraılylyǵy sebep bolǵan. Mundaı málimet Japonııa parlamentindegi komıssııa sarapshylarynyń jarııalaǵan baıandamasynda keltirilip otyr.
Germanııa kezinde Keńes Odaǵy shekarasynda júrip, soǵystyń zalal-zardabyn tartqan 80 myńǵa jýyq evreıge 300 mln. dollar kóleminde ótemaqy tóleý týraly «uıǵarymǵa» kelgen. The Jerusalem Post aqparat quralynyń málimetinshe, buǵan deıin bul azamattardyń basym kópshiligi Batys jáne Ortalyq Eýropa elderindegi evreılermen salystyrǵanda mundaı ótemaqyny almaǵan kórinedi.
Gaagadaǵy halyqaralyq qylmystyq sot Kongo Demokratııalyq Respýblıkasy qarýly kúshteriniń burynǵy komandıri Tomas Lýbanga Dılony 14 jylǵa bas bostandyǵyn aıyrý týraly sheshim shyǵardy. Bıylǵy jyldyń naýryz aıynda ol birqatar áskerı qylmystarǵa qatysy bar degen aıyppen qamaýǵa alynǵan bolatyn. Lýbanga buǵan deıin «Kongo patrıottarynyń odaǵyn» basqarǵan.
Internet materıaldary negizinde ázirlendi.