Premer-mınıstr kóz jumdy

Premer-mınıstr kóz jumdy

Sársenbi, 22 tamyz 2012 7:32

Eldi 20 jyldan astam basqarǵan Efıopııanyń premer-mınıstri Meles Zenavı qaıtys boldy. «Frans-press» aqparat agenttiginiń habarlaýynsha, ol shet elde emdelip jatqanda ómirden ozǵan.

Premer-mınıstr 21 tamyzǵa qaraǵan túni qaıtys bolsa kerek. 57 jastaǵy saıasatkerdiń qandaı aýrýmen aýyratyndyǵy jóninde naq­ty aqparat joq. Derek kózderine qaraǵanda, M.Zenavı eki aıdan beri halyq aldyna shyq­paǵan. Ol Brıýsselde emdelip jatqan kóri­nedi. Efıopııanyń konstıtýsııasyna sáıkes, en­di mınıstrler kabınetin ýaqytsha basqarý vıse-premer Haıle Marıam Dezaleınge júk­teledi.

 

Sársenbi, 22 tamyz 2012 7:32

Eldi 20 jyldan astam basqarǵan Efıopııanyń premer-mınıstri Meles Zenavı qaıtys boldy. «Frans-press» aqparat agenttiginiń habarlaýynsha, ol shet elde emdelip jatqanda ómirden ozǵan.

Premer-mınıstr 21 tamyzǵa qaraǵan túni qaıtys bolsa kerek. 57 jastaǵy saıasatkerdiń qandaı aýrýmen aýyratyndyǵy jóninde naq­ty aqparat joq. Derek kózderine qaraǵanda, M.Zenavı eki aıdan beri halyq aldyna shyq­paǵan. Ol Brıýsselde emdelip jatqan kóri­nedi. Efıopııanyń konstıtýsııasyna sáıkes, en­di mınıstrler kabınetin ýaqytsha basqarý vıse-premer Haıle Marıam Dezaleınge júk­teledi.

Biraz qarjysyn tutqyndady

AQSh bıligi «Hızballa» lıvandyq ıslam qozǵalysynyń jylystatý sıpatyndaǵy 150 mıllıon dollar bolatyn qarjysyn tutqyndaǵanyn málimdedi. Bul máselede lıvandyq-kanadalyq bank negizgi ról oınaǵan sııaqty.

2011 jyldyń aqpanynda amerıkalyq qarjy qylmysymen kúres jónindegi bıýrosy atalǵan bankke óziniń qyzmetin AQSh-tyń qarjy júıesinde júzege asyrýǵa tyıym salǵan edi. Al ótken jyldyń jeltoqsanynda Nıý-Iorktyń fede­ral­dyq soty «Hızballa» qozǵalysyn esirtki satýdan jáne basqa da qyl­mystardan túsken qarjyny bankter arqyly jylystatty dep aıyptady. Keıbir málimetter boıynsha, olar 2007-2011 jyldar aralyǵynda osy úlgimen 329 mıllıon dollar aýdarǵan.

 

Sot sheshimin synǵa aldy

Reseı prezıdenti janyndaǵy adam quqyǵy jónindegi keńestiń basshysy Mıhaıl Fedotov «Pussy Riot» tobyna qatysty shyǵarylǵan sheshimdi synady.

«Interfaks» agenttigine bergen suh­ba­tyn­da ol sot sheshimin «qatelik» dep málimdedi.  Fedotov, sondaı-aq bul qatelikti joǵarǵy sot ınstansııasy túzetedi degen úmitte ekenin de aıtqan. Suhbatynda ol mundaı áreket iste­genderge 1845 jáne 1885 jyldardyń ózinde eki jyl emes, 3 aıdan 8 aıǵa deıingi merzim belgilengenin mysalǵa keltiripti. Aıta ke­teıik, atalǵan toptyń úsh ánshisi shirkeýde ke­le­mejdik sıpattaǵy án aıt­qany úshin árqaı­sysy 2 jyl merzimge sottalǵan bolatyn.

 

Kóppartııaly júıege kóshpek

Keshe Ashgabadta Túrkimen ónerkásipshileri men kásipkerleri partııasynyń quryltaı sezi jumysyn bastady. Jergilikti basylymdardyń jazýynsha, sezd jumysyna 300 delegat qatysýda.

Quryltaıda partııanyń jarǵysy bekitilip, basshylyq qu­ra­my saılanady. Eger partııa tirkeýden ótetin bolsa, eńdigi, ekin­shi saıası partııa bolmaq. Búginde bul respýblıkada tek bir ǵana partııa – demokratııalyq partııasy jumys istep kel­di. Osylaısha, Túrkimenstan kóppartııaly júıege kóshýge nıet­tenip otyr. Jańa­dan qurylatyn partııaǵa memleket bas­shysynyń jaqyn dosy Aleksandr Dadaev jetekshilik etetin kórinedi.

 

Qoǵam qarsylyǵyn týdyrdy

Germanııa bıligi eldiń burynǵy prezıdentteriniń zeınetaqysyn kóterý jóninde sheshim qabyldady. Ol 2013 jylǵy bıýdjet josparyna engizilmek. Biraq, bul nemis qoǵamynyń qarsylyǵyn týdyryp otyr.

Eger burynǵy prezıdentterdiń zeınetaqysy ósirilgen jaǵdaıda, olarǵa qosymsha 18 myń eýrodan qosylady eken. Sonda burynǵy memleket basshylary jylyna 217 myń eýro zeınetaqy alatyn bolady. Lıberaldyq partııanyń múshesi, bıýdjet saıasaty jónindegi sarapshy Iýrgen Koppelın jem­qorlyqqa baılanysty aıyp taǵylyp, otstavkaǵa ketken eks-prezıdent K.Výlfqa, qazirgi kezde kózi tiri burynǵy prezıdentterge zeı­netaqyǵa qosylatyn qosymshadan bas tartýdy usyndy.

Kóterilisshiler kimder?

Álemdegi birqatar elderdegi radıkaldy ıslamshylar sırııalyq kóterilisshilerge kómektesý úshin Aleppoǵa kelgen sııaqty. Bul jóninde avstralııalyq AVS radıosy habarlady.

«Gardıan» basylymynyń tilshisi Martın Chýlovtyń aıtýynsha, Sırııada qaqtyǵys bas­tal­ǵan 18 aıdan beri jaqsy daıar­lyqtan ótken qa­rýly sodyrlardy óz kózimen kórgen. Olar­dyń kópshiligi Saýd Arabııasy, Senegal, Páks­tan, Aljır, sondaı-aq, О́zbekstan men Cheshen­s­tannan kelgender kórinedi. Olardyń bar­lyǵy birden maıdan shebine jiberilgen.

 

Qysqa qaıyryp aıtqanda:

 *Ingýshetııa prezıdenti Iý.Evkýrov polısııa qyzmetkeri I.Korıgovty jerleý kezindegi jarylysty uıymdastyrǵan terrorshylar jetekshisi Doký Ýmarov ekenin málimdedi.

* Soltústik Koreıanyń «Ekonomıkalyq zertteýler» jýrnalynda sosıalıstik memlekette eńbekshiler tabysynyń deńgeıi jappaı tutynatyn taýarlar baǵasymen sáıkes bolýy qajettigi jóninde maqala jarııalandy. Bul, eńbekaqy kóbeıtiledi degendi bildiredi.

* Ýkraınanyń Nıkolaev qalalyq keńesi orys tiline óńirlik mártebe berýmáselesin qarady. Tirkelgen 68 depýtattyń 60-sy jaqtap daýys berdi.Onyń sońy jappaı tóbeleske ulasty.

 *BUU Bas hatshysy Pan Gı Mýn Iran prezıdenti M.Ahmadınejad pen eldińjoǵarǵy kósemi A.Hameneıdi Izraılge qarsy pikir bildirgenderi úshinsynǵa aldy.

Internet materıaldary negizinde ázirlendi.