Sharaına

Seısenbi, 30 qazan 2012 7:11

Aıt kúnderi de oq atyldy

Sırııa bıligi men búlikshilerdiń ózara kelisimine qaramastan, Qurban aıtmeıramynyń úshinshi kúni atys saldarynan kem degende 99 adam mertbolǵan. Bul jóninde keshe «Frans-press» agenttigi habarlady.

Seısenbi, 30 qazan 2012 7:11

Aıt kúnderi de oq atyldy

Sırııa bıligi men búlikshilerdiń ózara kelisimine qaramastan, Qurban aıtmeıramynyń úshinshi kúni atys saldarynan kem degende 99 adam mertbolǵan. Bul jóninde keshe «Frans-press» agenttigi habarlady.

Atalǵan agenttiktiń aqparattaryna qa­raǵanda, qaza tapqandardyń 35-i úki­mettik armııanyń áskerıleri, 34-i kóte­rilisshiler, 30-y beıbit turǵyndar eken. Qaza bolǵan beıbit turǵyndardyń kóp­shiligi úkimettik avıasııanyń Idlıb pro­vınsııasynyń sol­tústik-batysyndaǵy bir eldi mekenge áýe­den shabýyl jasaýy kezinde ajal qushqan-mys. Juma men senbi kúnderi qaq­ty­ǵystar saldarynan 175 adam qurban boldy degen málimetter de bar.

Basylymdy sotqa bermek

Qytaı premer-mınıstri Ven Szıabao otbasynyń múddesin qorǵaıtynadvokattar «Nıý-Iork taıms» basylymynda premer-mınıstrdińtýǵan-týystary 2,7 mıllıard dollar kólemindegi dúnıe-múlikke ıeliketetindigi týraly jarııalanǵan derekterdi joqqa shyǵardy.

Advokattar gonkongtik «Sunday Morning Post» gazetinde aǵylshyn tiline aýdarylyp basylǵan jarııalanymdy «amerıkalyq basylymda atalǵan Ven Szıabaonyń otbasy músheleri jınaǵan qupııa baılyq atymen joq» dep atap kórsetken. Sondaı-aq olar premerdiń bız­nespen aınalysatyn týys­tary zańna­ma talaptaryn buzbaǵandyǵyn jáne olardyń qandaı da bir kompanııanyń aksııalaryna ıelik etpeıtinderin málimdegen. Bulardan bólek premer otbasynyń ókilderi Ven Szıabaonyń jeke ózi eshqandaı kompanııalarmen baılanys jasamaǵanyn jazyp bergen. Premer-mınıstrdiń advokattary shyndyqqa sáıkes kelmeıtin maqala basqany úshin «Nıý-Iork taıms» gazetin sotqa beretinin de atap ótipti. Bul maqala ótken juma kúni jarııalanǵan bolatyn.

Qysqa qaıyryp aıtqanda:

 Reseıdiń tergeý komıteti IIM kóliktegi tergeý basqar­ma­synyń burynǵy bastyǵy, polkovnık Edýard Sandrýkıanǵa qatysty qylmystyq isti tergeýdi aıaqtady. Oǵan 900 myń dollar kóleminde para aldy degen aıyp taǵylyp otyr.

   Úndistannyń syrtqy ister mınıstri bolyp 59 jastaǵy Salman Hýrshıd taǵaıyndaldy. Buǵan deıin ol ádilet mınıstri qyzmetin atqarǵan.

   Baǵdadta birneshe jerde bolǵan terrorlyq áreketter saldarynan 30-dan astam adam qurban boldy. Sondaı-aq musylmandyq paryzyn óteýshi ırandyqtar mingen avtobýs ta jarylǵan.

  Shveısarııanyń asa iri UBS banki 10 myń jumys ornyn qysqar­tatyndyǵy týraly sheshim qabyldady. Bul – bank qyzmetkerleriniń altydan birin quraıdy.

О́mir boıy túrmede otyrady

Qyrǵyzstan soty Reseı azamaty Shamshıdın Nııazalıevti ómir boıy túrmede otyrý jazasyna kesti. Aqparattarǵa qaraǵanda, ol 2010 jyldyń 12-13 maýsymynda Jalalabad oblysynda oryn alǵan qandy oqıǵaǵa belsene qatysqan.

Bul oqıǵa atalǵan oblys aýmaǵyndaǵy «Sanpa» maqta tazalaý zaýytynyń mańa­ıynda bolǵan. Olar jolǵa mazýt tógip, av­to­kólikterdi toqtatqan. Kólikter ishindegi adamdarǵa oq jaýdyrǵan. Sonyń kesirinen 16 beıbit turǵyn kóz jumypty. 2010 jyldyń qarashasyndaǵy sotta qandy oqı­ǵaǵa qatysqan 19 qylmyskerdiń 17-si ómir boıy túrmede otyrý jazasyna, ekeýi 25 jylǵa kesilgen edi. Al Nııazalıev osy jyldyń basynda ustalyp, Qyr­ǵyzstannyń quqyq qorǵaý organdaryna tapsyrylǵan bolatyn.

Bılik partııasy alda keledi

Ýkraınanyń ortalyq saılaý komıssııasy Joǵarǵy rada saılaýynda daýys berýdiń 40 paıyz hattamasynyń aldyn ala nátıjesin jarııa etti.Bul málimetter partııalyq tizim boıynsha daýys berýge qatysty.

Ortalyq saılaý komıssııasynyń aqparattaryna qaraǵanda, qazirge bıliktegi «Aımaqtar partııasy» («Partııa regıonov») saılaýshylardyń 36,49 paıyz daýysyna ıe bolǵan. Ekinshi orynda 21,08 paıyz daýys jınaǵan «Batkıvshına» oppo­zısııalyq partııasy, úshinshi orynda 15,26 paıyz daýyspen Ýkraına kompartııasy keledi. Parlamentke, sondaı-aq kásibı boksshy Vıtalıı Klıchkonyń ÝDAR partııasy da ótpek, qazirge bul partııa 12,67 paıyz daýyspen tórtinshi orynda tur. Atap óteıik, parlamentke 5 paıyzdyq kedergini ba­ǵyndyrǵan saıası kúshter ǵana ótedi.

«Sendı» daýylynyń saldary

«Reıter» aqparat agenttiginiń habarlaýynsha, AQSh-tyń avıakompanııalary eldiń shyǵys jaǵalaýyna jaqyndap qalǵan «Sendı» daýylyna baılanysty 28-29 qazanǵa josparlanǵan 7100-den astam avıareısti keıinge qaldyrýǵa májbúr boldy.

Keıbir málimetter keıinge qaldy­ry­latyn reıster sany 8 myńǵa jetetindigin alǵa tartady. О́ıtkeni, Delta Airlines avıa­kompanııasy jeksenbide 180 reısti keıinge qaldyrǵan, al dúısenbi kúni onyń qatary budan eki esege artýy múmkin. Eldegi ózge de avıatasymaldaýshy iri kompanııalar kóptegen reısti keıinge qal­dyrýda. Jolaýshylarǵa ótemaqy tóleýden bas tartqan kompanııalar da bar. Osyndaı jaǵdaı bul elde ótken jyldyń tamyzynda bolǵan edi. Onda 10 myńǵa jýyq reıs óz ýaqytynda ushpaǵan edi. Nıý-Iorktiń 400 myń turǵyny qalany tastap shyǵýǵa májbúr boldy.

Internet materıaldary negizinde ázirlendi.