“NUR OTAN” ÁR OTBASYN QOLDAIDY

8 naýryz kúni “Nur Otan” par­tııasy aıryqsha aksııa uıymdas­tyr­dy. Uıym músheleri halyqara­lyq áıelder kúni dúnıege sábı ákelgen jas analardy quttyqtap, qurmet kórsetti. Qazaqstannyń túp­kir-túpkirindegi júzdegen sábı óz ómirlerindegi alǵashqy syı­lyqty Prezıdent kóshbasshysy bolyp tabylatyn partııa atynan aldy. Nurotandyqtar ár qalanyń, ár óńirdiń perzenthanalaryn aralap, analar men nárestelerge arnaıy syılyqtar tabys etti. Jas analardy quttyqtaı otyryp, nurotandyqtar analardy qorǵaý men otbasy mártebesin ny­ǵaıtý partııanyń basym baǵyt­tarynyń biri ekenin atap ótti. Qazirgi tańda Elbasy, partııa kóshbasshysy Nursultan Nazar­baevtyń árbir anaǵa, árbir balaǵa jasap jatqan qamqorlyǵy Qa­zaqstannyń bolashaǵy úshin ja­salyp jatqan jumys. Densaýlyq saqtaý salasynda atqarylyp jatqan isterdiń arqasynda sońǵy jyldary elimizde ana ólimi eki ese azaıyp, týý kórsetkishi 1,5 esege artty. Nurotandyqtardyń aıtýy boı­ynsha, eldegi demografııalyq ahýal­dy jaqsartý jalpy alǵanda ekonomıkalyq damýmen, qazaq­stan­dyq qoǵamnyń ál-aýqatynyń ósýimen tyǵyz baılanysty. Son­dyqtan da 8 naýryzda respýblıka kóleminde ótkizilgen aksııa tereń maǵynaǵa ıe. О́ıtkeni, búgingi sábıler erteńgi el isiniń tizginin ustaýshylar ekeni sózsiz. Dál osy kúni elimiz kóleminde 1236 sábı jaryq dúnıe esigin ashty. Derek kózi: “Egemen-aqparat”.