Almatydaǵy mektep-ınternattar men balalar úılerinen 120 oqýshysy júzýdi, júgirýdi jáne velosıped aıdaýdy úıretetin MY WIN jobasynyń III kezeńine qatysyp júr.
MY WIN jobasy Almaty trıatlon federasııasynyń qoldaýymen Champion jeke qaıyrymdylyq qorymen amalǵa asyrylýdy.
– Bul sharanyń maqsaty – balalar úıleriniń tárbıelenýshilerine, múgedek jáne turmysy tómen otbasylardan shyqqan balalarǵa sporttyq is-sharalarǵa qatysý múmkindikterin týdyrý bolyp otyr.
Osy arqyly olar qoǵamǵa qajettilikti sezinip, ózine senimdi bolyp ósedi. 2018 jyly osy jobanyń eki kezeńin ótkizip úlgirdik. Úsh aı boıy, kún saıyn bapkerlerimiz – Evgenıı Azarev (júzýden QR SSh, Ironman), Dmıtrıı Han (júzýden QR SSh, Ironman), Aleksandr Men (júzýden QR SSh) – balalarǵa tegin túrde trıatlonnyń qyr-syryn úıretti. Biz eki chempıonat ótkizip, osy jarystardyń qorytyndysy boıynsha barlyq balalar (árbir chempıonatta 120 baladan) júldelerge ıe boldy. Jeńimpazdar velosıpedterge ıe boldy ári jazǵy saýyqtyrý lagerlerine barady, – deıdi Champ1on qorynyń prezıdenti Lıýbov Pak.
Bıylǵy jyly bapkerler quramy taǵyda tórt trıatlon sheberimen tolyqty. Balalarǵa kómek kórsetýge World Class Almaty bapkerleri ózdigimen qosyldy. Bular – júzýden halyqaralyq deńgeıdegi spor sheberi Iýlııa Sınısyna, sý dobynan sport sheberine úmitker Edýard Safıýllın, velosporttan sport sheberi Nıkıta Fedotovskıh jáne sınhrondy júzýden sport sheberi Aıaýlym Mashtıeva.
Jattyǵýlarǵa úsh balalar toby – №1 estý jáne sóıleý qabileti nashar balalarǵa arnalǵan arnaıy jalpy bilim-berý mektebinen 42 bala, Almaty oblysynyń №1 balalar úıinen 35 bala jáne №17 Almatynyń turmysy tómen januıalarynyń balalary úshin mektep-ınternatynyń 40 tárbıelenýshileri qatysýda.
Kishkentaı atletter 24 mamyrǵa deıin jattyǵatyn bolady. Sodan keıin olar akvatlon jáne trıatlon jarystaryna qatysady.
Aınash ESALI,
«Egemen Qazaqstan»
ALMATY