Batys Qazaqstan oblystyq densaýlyq saqtaý basqarmasynyń mamandary Oral medısına kolledji stýdentteri úshin arnaıy semınar-keńes ótkizdi. Onda salamatty ómir saltyn nasıhattaý, áleýmettik mańyzy bar aýrýlardyń aldyn alý, turǵyndar arasynda profılaktıkalyq sharalardy ótkizý tártipteri taqyryptarynda leksııalar oqyldy. Basty bir atap óterlik másele – atalǵan shara sheńberinde bıyl arnaýly oqý ornyn aıaqtaǵaly otyrǵan stýdentter Oral qalasy emhanalaryna kómekke shaqyryldy.
– Munyń ózi ári kómek, ári tájirıbe. Osy arqyly sońǵy kýrs stýdentteri qalanyń medısınalyq mekemelerinde qyzmet jasaıtyn dárigerlerge qol ushtaryn tıgize alady. Sondaı-aq bolashaq medbıkeler turǵyndar arasynda analız tapsyrý, úıden emdeletin naýqastar jóninde aqparat jınaý sekildi dárigerdiń qabyldaýyna deıingi sharalardy júrgizýge kómektesedi. Osy ýaqyt aralyǵynda kásibı sheberlik kórsete bilgen bolashaq medbıkeler sol emdeý mekemelerinde qyzmetke qaldyrylatyn bolady, – dedi gazet tilshisine Batys Qazaqstan oblystyq densaýlyq saqtaý basqarmasynyń bastyǵy Hamıdolla Irmenov.
Oral.
Temir QUSAIYN.