Jýrnalıstiń qazasy

Sársenbi, 11 qańtar 2012 7:48

Bul oqıǵa ýaqytynda respýblıka jurtshylyǵyn dúr silkindirgen bolatyn. 2009 jyldyń 16 jeltoqsan kúni elimizdiń radıo-teledıdarlarynyń keshki jańalyqtary úlken qaıǵyly habardy taratýmen bastaldy. Qyrǵyzstannyń azamaty, belgili jáne táýelsiz jýrnalıst G.Pavlıýktiń Almaty qalasynyń Fýrmanov kóshesindegi kóp qabatty úıdiń joǵaryda or­nalasqan páterdiń biriniń terezesinen laqtyrylyp jiberilgen denesi tabyldy. Alty kún boıy aýrýhananyń jansaqtaý bóliminde ómir men ólimniń arasynda arpalysyp jatqan G.Pavlıýk 22 jeltoqsan kúni jantásilim boldy.  Belgili jýrnalıstiń qazasyna qatysty qyl­­­mystyq is qozǵalyp, ony ashýǵa elimizdiń eń tańdaýly degen qyzmetkerleri jumyldyryldy.

Sársenbi, 11 qańtar 2012 7:48

Bul oqıǵa ýaqytynda respýblıka jurtshylyǵyn dúr silkindirgen bolatyn. 2009 jyldyń 16 jeltoqsan kúni elimizdiń radıo-teledıdarlarynyń keshki jańalyqtary úlken qaıǵyly habardy taratýmen bastaldy. Qyrǵyzstannyń azamaty, belgili jáne táýelsiz jýrnalıst G.Pavlıýktiń Almaty qalasynyń Fýrmanov kóshesindegi kóp qabatty úıdiń joǵaryda or­nalasqan páterdiń biriniń terezesinen laqtyrylyp jiberilgen denesi tabyldy. Alty kún boıy aýrýhananyń jansaqtaý bóliminde ómir men ólimniń arasynda arpalysyp jatqan G.Pavlıýk 22 jeltoqsan kúni jantásilim boldy.  Belgili jýrnalıstiń qazasyna qatysty qyl­­­mystyq is qozǵalyp, ony ashýǵa elimizdiń eń tańdaýly degen qyzmetkerleri jumyldyryldy.

Rasyn aıtýymyz kerek, osy bir kúrmeýi mol qylmystyq istiń ashylýyna kúmánmen qa­raıtyndar bar edi. Sebebi, bul qylmystyq istiń kúrdeliligi sonsha, basqa eldiń azamatynyń bizdiń elimizdiń megapolıs qalasy Almatyda óltirilýi edi. Bylaı qaraǵanda halyqaralyq dárejedegi is. Árıne, mundaı istiń qupııasynyń da kóp bolary sózsiz. Degenmen, ózderine ja­ý­apkershilik júktelgen qazaqstandyq iz ke­sý­shiler atalǵan isti ashty, oǵan qatysty qylmyskerlerdi quryqtap, isti sotqa jetkizdi. Almaty qalasynyń Qylmystyq ister boıynsha mamandandyrylǵan aýdanaralyq soty óziniń ashyq sot májilisinde isti qarap, ótken jyldyń 11 qarashasynda úkim shyǵardy. Iаǵnı, qyl­mystyq istiń uıymdastyrýshysy Qyrǵyz Respýblıkasynyń azamaty Ismanqulov Aldaıarmen birge qazaqstandyq eki azamat – Igilikov Almaz ben Orazalın Shalqar uzaq jylǵa bas bostandyqtarynan aıyrylý jazasyna kesildi.Oqıǵa bylaı bolǵan edi. Qyrǵyzstandyq Aldaıar Ismanqulov  sol eldiń ulttyq qaýip­sizdik organyna túrli operatıvtik jáne bas­shylyq qyzmetter atqarǵan. 2009 jyldyń jel­toqsanynda Aldaıar Ismanqulov tergeý tarapynan anyqtalmaǵan kisilerden osy respýb­lıkanyń azamaty, belgili jáne táýelsiz jýrnalıst, qoǵam qaıratkeri G.Pavlıýktiń kózin joıý jóninde tapsyrma alady. О́zine júktelgen mindetti oryndaý maqsatynda Ismanqulov Pavlıýkti Qyrǵyz Respýblıkasynan shyǵaryp, ony urlap, ondaǵy kóptegen qupııa materıaldardy tartyp alyp, keıin jýrnalısti óltirýge uıǵarady.2009 jyldyń 11 jeltoqsanynda Isman­qulov Almatyǵa kelip, «Almaty» qonaq úıine ornalasady. Onyń qasynda tergeý tarapynan anyqtalmaǵan eki adam birge keledi. Qaraý nıetpen kelgen úsheýi Pavlıýkti urlaý operasııasyna Qazaqstan Respýblıkasynyń azamattary Sh.Orazalın men A.Igilikovti tartady. Sebebi, atalǵan eki azamatpen Ismanqulovtyń buryn­nan qarym-qatynastary bolǵany anyqtalǵan. Aldaıar Almatyǵa kelgennen keıin Orazalınge telefon arqyly habarlasyp, kezdesýge shaqy­rady. Sol jerde ony álgi anyqtalmaǵan eki kisimen kezdestirip, jýrnalısti urlaý josparymen tanystyrady. Biraq, Ismanqulov ózderiniń túpki maqsatyn, ıaǵnı tıisti aqparattardy alyp bolǵannan keıin Pavlıýkti óltiretindikterin Orazalınnen jasyryp qalady. Keıin Orazalın qalta telefon arqyly Igilikovpen habarlasyp, kezdesýge ýaǵdalasady. Kezdesý kezinde ol Igi­likovke anyqtalmaǵan eki adamǵa kómek berýin surap, solardyń ótinishi boıynsha Pavlıýkke qonaq úıden oryn daıyndaýdy tapsyrady.О́ziniń qylmystyq oıyn júzege asyrý maq­satynda Ismanqulov Pavlıýkpen ınternet arqyly habarlasa bastaıdy. Ol ózin «Fond  razvıtıe SMI v stranah SNG ı ES» qorynyń ókilimin dep tanystyryp, osy qordyń grantyn alýǵa Almatyǵa kelýge shaqyrady.  Osy aralyqta Pavlıýkke «Qazaqstan» qonaq úıiniń 1104 nómiri de daıyndalyp qoıylady.«Qazaqstan» qonaq úıinen oryn daıyndaǵan Igilikov Orazalınniń tapsyrmasy boıynsha Fýrmanov kóshesindegi №77 úıden páter de jaldap qoıǵan bolatyn. 16 jeltoqsan kúni tústen keıin ol «Qazaqstan» qonaq úıine kelip, Pav­lıýkti kútip alady. Igilikov ózin joǵaryda atalǵan qordyń ókilimin dep tanystyryp, jýrnalısti qor jetekshileriniń kútip otyr­ǵanyn jáne ol jerge óziniń ertip aparatynyn aıtady. Rasyn aıtqanda, Pavlıýkti jaldanǵan páterge ne úshin alyp bara jatqanyn Igili­kovtiń ózi de bilmeıdi, ol páterde qandaı jaǵdaı kútip turǵanyn Pavlıýk te sezbeıdi. Sebebi, tanystary Ismanqulovtyń jáne onyń qasyndaǵy anyqtalmaǵan eki joldasynyń túpki maqsat­taryn qazaqstandyq eki azamat ta bilmeıtin edi. Degenmen, qandy oqıǵa boldy, alty kún boıy ólimmen arpalysqan arystaı azamat aýrý­hananyń jan saqtaý bóliminde o dúnıelik boldy. Qylmyskerler tıisti jazalaryn aldy.Degenmen, osy qylmystyq iske qatysty sottalǵan Almaz Igilikovtiń qorǵaýshysy B.Orazov óziniń qorǵaýyndaǵy azamatqa qatysty úkimmen kelispeıtinin aıtady. «Igilikovke berilip otyrǵan 10 jyl asa aýyr, asa qatań dep esepteımin» deıdi advokat óziniń apellıasııalyq shaǵymynda. Igilikovtiń buryn Semeı qalalyq psıhonevrologııalyq dıspanserdiń esebinde turǵany, ekinshiden, Igilikov atalǵan qylmys­tyq iske basynda kýáger retinde tartylǵanyn jáne kýáger bola tura ony alty aı boıy polısııa qyzmetkerleri qorǵaýda ustaǵanyn jáne osy kezeńde Almazdy tergeý oryndarynyń qysym jasaǵany dáleldengen faktiler, deıdi B.Orazov. Sondyqtan da Igilikov ustalǵan kúnnen bastap sot tergeýi aıaqtalǵanǵa deıin qylmysyn moıyndamaı, óziniń adam ólimine qatysy joqtyǵyn aıtyp keledi. Sondaı-aq, barlyq kýágerlerdiń jáne Sh.Orazalınniń kórsetkenindeı, Igili­kovtiń adam urlaýǵa qatysý nıeti bolmaǵan. Onyń dáleli retinde, ol qaı jerde bolmasyn, kimmen kezdespesin ózi týraly maǵlumatty berip, óziniń telefon nómirin de qaldyryp otyrǵan. Osyǵan qaraǵanda, Igilikovke taǵylǵan aıypta negiz joq, jaı boljam ǵana.Negizinen alǵanda, jýrnalıstiń qazasyna qatysty bul qylmystyq iske baılanysty jumys istegen polısııa qyzmetkerleriniń de, prokýratýra qyzmetkerleriniń de, sottyń da jumystaryn nátıjeli dep aıtýǵa bolady. Degenmen, Igilikovtiń advokaty B.Orazovtyń keltirip otyrǵan dáıektemeleri de eskerilýi kerek sııaqty…Sharafaddın ÁMIROV.