Jarystyń birinshi kúni 4-17 jas aralyǵyndaǵy kez kelgen qatysýshylar baq synaıtyn bolsa, ekinshi kúni jasy 18-den joǵary sportshylar jarys jolyna shyǵady.
Týrnır ABB arenada IBJJF halyqaralyq brazılııalyq djıý-djıtsý federasııasy erejelerine sáıkes túrli salmaq dárejeleri men jas aıyrmashylyǵy boıynsha ótkiziledi. Bastalýy saǵat 10:30-da (eki kún).
Bul týrnırge qyzdar men uldar qatysa alady. Ol úshin reglamentke sáıkes www.arlangrip.kz nemese www.smoothcomp.com saıttaryna tirkelip, tıisti qarajat tóleý qajettigi kórsetilgen.
Týrnır elimizde brazılııalyq djıý-djıtsý sport túrin damytyp, sport pen salaýatty ómir saltyn nasıhattaý, sportshylardyń sheberlikterin arttyrý jáne úzdikterdi anyqtaýǵa qyzmet jasaıdy.
Jarys qorytyndysy boıynsha jeńimpazdar men júldegerlerge dıplomdar jáne arnaıy medaldar tabystalady.