Joba kásibı kosmetıka jáne kosmetologııa, tyrnaq servısi, shashtaraz óneri, vızaj, estetıkalyq medısına, turaqty makııajdaý salasyndaǵy otandyq jáne sheteldik ázirlenimderdiń ekspozısııasyn, sondaı-aq iskerlik is-sharalar baǵdarlamasyn – semınarlardy, sheberler synyptaryn, baıqaýlar men trenıngterdi qamtıdy.
SuluExpo jyl saıyn sáýir aıynda Almaty qalasynda, al qarasha aıynda Astana qalasynda ótetin óndirýshiler, dıstrıbıýtorlar, sulýlyq bıznesi ıeleri men salalyq mamandary arasyndaǵy iskerlik kezdesýlerdiń basty alańyna aınalyp keledi.
Máselen 4 sáýirde kórmeniń májilis-zalynda kosmetolog dáriger, jetekshi oqytýshy – jattyqtyrýshy jáne "Angıofarm" saýda markasynyń spıkeri – máskeýlik O.Polıvanovanyń «Basqarylatyn Angıogenez» semınary ótti. Al 5 sáýirde «KOMTI» Qazaqstan mezoterapııa qoǵamy uıymdastyrǵan kosmetologııa salasynyń jas mamandaryn tańdaýǵa arnalǵan Bos oryndar jármeńkesi uıymdastyrylady. Budan basqa, kórmeniń aıasynda kórmege qatysatyn «Vivienne Sabo», «Makeover Paris», «Aden Cosmetic» sııaqty álemdik jetekshi brend kompanııalarynyń kosmetologııa, makııaj, tyrnaq dızaıny boıynsha sheberlerdiń kóptegen ashyq synyptary ótkizilip, kelýshilerge ózderiniń kásibı deńgeıin kóterýine múmkindik beredi. Olardyń arasynda shashtarazdarǵa arnalǵan patenttelgen oqytý baǵdarlamalarynyń – avtory máskeýlik O.Shtatolkınanyń avtorlyq sheberlik saǵattary, Qazaqstan shashtaraz óneri quramasynyń jattyqtyrýshy A.Prosvırınniń kórneki sheberlik dáristeriniń túgeldeı derlik toptamasy bar.
«SuluExpo» kórmeleriniń aıryqsha ereksheligi – Qazaqstandaǵy sulýlyq ındýstrııasynyń naryǵynda buryn-sońdy bolmaǵan jańa kompanııalardyń qatysyp, jańa ónimder men jańa ınnovasııalyq tehnologııalaryn usynýy. Máselen, bıylǵy kórmede Polshanyń ujymdyq ekspozısııasy – jetekshi polıak kosmetıkalyq brendterin, ınnovasııalyq ónimderi men biregeı reseptýralaryn Qazaqstanda alǵash ret usynbaq. Olardyń arasynda farmasevtıkalyq arna, dárihanalar men satýdyń kásibı arnasy spa-salondary arqyly qol jetimdi shash kútimi quraldaryn óndirýge mamandanǵan «Inter Fragrances» kompanııasy, teri men bet kútimine arnalǵan zamanaýı kosmetıka, parfıýmerııa, shash túsirý preparattaryn usynatyn Miraculum S.A.,gıbrıdtik tyrnaq laktaryn, qurǵaq sýsabyndaryn, klassıkalyq laktaryn shyǵaratyn LaQell, GLOV kompanııalary bar. 150-den asa atalymy bar BluxCosmetics kompanııasy – Polshadaǵy joǵary sapaly kosmetıkanyń jáne turmystyq hımııanyń iri óndirýshileriniń biri. Bi-es kompanııasy da – Polshadaǵy meılinshe ataqty iri parfıýmerlik brendterdiń biri.