Búgin qala ákimi astananyń kezekti jalpyqalalyq senbilikke daıyndyǵyn tekserý úshin shahardy aralap shyqty. Baqyt Sultanovqa kóshelerge jáne aýlalarǵa otyrǵyzýǵa arnalǵan kóshetter daıyndalǵan alańdardy kórsetti.
Qalada osyndaı 300-ge jýyq ýchaske uıymdastyrylmaq. Munda emen, terek, qaraǵaı, shyrsha, qaıyń, úıeńki, jóke jáne basqa da aǵash túrleriniń kóshetteri otyrǵyzylady dep josparlanýda.
Ekologııalyq eki aılyq kezinde qalada 13 myńǵa jýyq aǵash otyrǵyzylady, onyń 3 myńy 20, 21 sáýirde egilmek. Aksııaǵa 100 myńnan astam qala turǵyny qatysady dep kútilýde.
«Senbilik ótetin oryndar turǵyndardyń qalaýy boıynsha anyqtaldy. Bıyl senbilikke atsalysyp, aǵash otyrǵyzýǵa nıetti elordalyqtardyń qatary artqan. Adamdar, kásiporyndar, shaǵyn bıznes ókilderi habarlasyp, atalmysh bastamaǵa qoldaý bildirip jatyr», – dedi Nur-Sultan qalasy ákiminiń orynbasary Arman Turlybek.
О́z kezeginde Baqyt Sultanov aýdan ákimdikteriniń qalalyqtardyń tilekterine der kezinde jaýap berýin tapsyrdy.
«Turǵyndar aǵashtardy ózderi otyrǵyzyp, olardy kútip-baptasa, ol aǵashtar men kóshetter óte jaqsy ósedi. Bizdiń turǵyndar belsendilik tanytyp, olarǵa qoldaý kórsetý kerek», – dep atap ótti Sultanov.
Bul rette ákim senbilik – erikti aksııa bolǵandyqtan, oǵan eshkimdi qatysýǵa májbúrleýdiń qajeti joq ekendigin eske saldy.
«Biz taza elorda úshin» jalpyqalalyq senbilik 20 sáýirde ótedi. Ekologııalyq aksııa barysynda aǵash otyrǵyzý, kógaldardy tazalaý, aǵashtardy ákteý, belgilenbegen jerlerde qalyptasqan qoqys oryndaryn jáne lastanǵan ýchaskelerdi joıý sharalary júzege asyrylady.
Jalpy qalalyq senbilikti ótkizý kezinde qalanyń barlyq aýdandarynda aǵash otyrǵyzý josparlanǵan: A
lmaty aýdanynda: Obaǵan kóshesinde, Prezıdenttik saıabaqta (Sh. Qaldaıaqov-I.Panfılov kósheleriniń qıylysy);
Baıqońyr aýdanynda: 69 kóshe;
Esil aýdanynda: Á.Bókeıhan kóshesi boıynsha Kereı-Jánibek handary kóshesinen bastap MZ kópirine deıingi ýchaskede (Arys), Stella ýchaskesinde, Uly dala dańǵyly boıynda Aqmeshit jáne Túrkistan kósheleri arasyndaǵy «Táýelsizdiktiń 25 jyldyǵy» aýmaǵynda;
Saryarqa aýdanynda: V.Gete, Y.Altynsarın, I.Esenberlın kóshelerinde jáne Kóktal-2 turǵyn alabynda.