Kezdesý barysynda aımaq basshysy óziniń alǵysózinde 21 jyl ishinde «SNPS-Aqtóbemunaıgaz» AQ-nyń 100 mln tonnadan astam munaı men 51 kýbometrge jýyq gaz óndirgenin atap ótti.
«Sońǵy 5 jyl ishinde «SNPS-Aqtóbemunaıgaz» AQ-men 500 mlrd. teńge kóleminde ınvestısııalar tartyldy. Kompanııa jumysyn bastaǵannan Úshinshi Jańajol gaz óńdeý zaýyty, Soltústik Trýva ken ornynda keshendi sorǵy stansııasy, Munaı daıyndaý jónindegi №4 zaýyt jáne iri ınvestısııalyq jobalary iske asyryldy» ,- dedi Ońdasyn Orazalın.
Aımaq basshysy kompanııanyń basshylyǵyna birqatar mindetter qoıdy: óndiristiń ekologııalyq durystyǵyn jaqsartý, jańa jumys oryndaryn qurý jáne qoldanystaǵy qysqartýdy boldyrmaý. Sonymen qatar, oblys ákimi munaı-gaz salasynda joǵary bilikti kadrlardy daıarlaý salasyndaǵy yntymaqtastyqty keńeıtý qajettigin atap ótti.
«PetroChina» kompanııasynyń vıse-prezıdenti Van Chjýnsaı aımaqtyq atqarýshy bılikterge qoldaý men yntymaqtastyq úshin rızashylyǵyn bildirip, olardy oryndaýǵa daıyn ekendikterin bildirdi.