Sársenbi, 10 qazan 2012 7:11
Bıylǵy 14 qyrkúıekte oblystyq aktıvte oblystyń jańa ákimi Baqtyqoja Izmuhambetov Astanada Elbasy qabyldaýynda bolǵannan keıingi aqjoltaı jańalyqtardan habardar etti.– Aýyz sýmen oblys halqynyń qamtamasyz etilý kórsetkishi 56,8 paıyzdy qurap otyr. Al, tabıǵı gazben qamtý 76 paıyzǵa jetken. Qoıandy sý qubyrynyń jobasy jyr bolyp kele jatyr. Aýyz sýmen qamtýda kóp jumys jasaldy degenmen, tirshilik nárine muqtaj aýyldar áli de bar. Mysaly, Aqjaıyq aýylyna qujat júzinde sý berildi delingen, shyn máninde olaı emesin kórip otyrmyn, – dedi Baqtyqoja Salahatdınuly («Atyraý» gazeti, №107, 15 qyrkúıek, 2012 jyl).
Sársenbi, 10 qazan 2012 7:11
Bıylǵy 14 qyrkúıekte oblystyq aktıvte oblystyń jańa ákimi Baqtyqoja Izmuhambetov Astanada Elbasy qabyldaýynda bolǵannan keıingi aqjoltaı jańalyqtardan habardar etti.– Aýyz sýmen oblys halqynyń qamtamasyz etilý kórsetkishi 56,8 paıyzdy qurap otyr. Al, tabıǵı gazben qamtý 76 paıyzǵa jetken. Qoıandy sý qubyrynyń jobasy jyr bolyp kele jatyr. Aýyz sýmen qamtýda kóp jumys jasaldy degenmen, tirshilik nárine muqtaj aýyldar áli de bar. Mysaly, Aqjaıyq aýylyna qujat júzinde sý berildi delingen, shyn máninde olaı emesin kórip otyrmyn, – dedi Baqtyqoja Salahatdınuly («Atyraý» gazeti, №107, 15 qyrkúıek, 2012 jyl).
Halyqty aýyz sýmen qamtý kórsetkishi 96 paıyzǵa jetti degen burynǵy basshy málimdemesi tek kózboıaýshylyq bolyp shyqty… Osy rette aýdan ákimderine degen halyqtyń ókpe-renishi ushan-teńiz. Sebebi, olar aýdanǵa burynǵy oblys ákimi keletin bolsa, sóıleýshilerdiń sózin jazyp berip, artyq eshteńe aıtpaýdy qatań tapsyratyn. Sheshender de sol úrdisten shyǵyp keldi. Burynǵy oblys ákimi Mahambet aýdanyna saparlaǵanda jınalysqa bir top ardagerdi kirgizbegenin de estigenbiz. Jáne sol kúni Mahambettegi sý tazartý qondyrǵysy sýdy tańerteńnen keshke deıin aıdaǵan. Bir apta ótkesin, burynǵy kúıine túsip, tańerteń eki saǵat, keshke qaraı eki saǵat berip, sharýany bitirgen. Jınalysqa daıyndalyp kelgenderdiń sózine qaraǵanda, qoı da toq, qasqyr da toq zamanda ómir súrip jatqan bolatynbyz.Aýylǵa keletin taza sý da, oshaqta janyp jatqan «kógildir otyn da» bireýdiń nusqaýy boıynsha kórsetiledi. Bul jerde basty kiná selo ne aýdan ákiminde bolýy tıis.– Eshkimdi de qaralaǵanymyz emes, biraq, shyndyq qashanda qymbat. Bıyl oblystaǵy 40 mektepke kúrdeli jóndeý qarastyrylsa, sonyń bárin de eki kompanııa moıyndaryna alǵan. Olar da jumysty ózderi jasamaǵan, basqa merdigerlerge tapsyrǵan. Merdiger óz kezeginde, qosalqy merdigerdiń kómegine súıengen. Saldarynan jańa oqý jylynda on mekteptiń esigi ashylmady, segiz mekteptiń oqýshylary ár jerde tentirep oqýǵa májbúr bolyp otyr. Taǵy bir másele, tıptik mektepterdiń ózinde ájethana qarastyrylmaǵan, – dedi oblys ákimi B.Izmuhambetov aktıvte sóılegen sózinde. («Atyraý» gazeti, №107, 15 qyrkúıek, 2012 jyl).Oblys ákimi Baqtyqoja Izmuhambetovtiń osy sózinen uqqanymyz, oblysqa áli de 220 dáriger qajettigin, oblysymyz bala ólimi boıynsha respýblıka kórsetkishiniń 15-shi ornynda, týberkýlez aýrýy boıynsha 13-shi orynda turǵandyǵyn, oblysta áli 21 densaýlyq saqtaý nysanynyń qajettigin bildik. Sondaı-aq, oblys boıynsha 28 mádenı oshaqqa kúrdeli jóndeý qajet bolsa, 25 eldi mekende mádenıet úıiniń atymen joqtyǵyn estip-bildik. Ras, munyń birazy burynǵy ákimniń kezinde de belgili bolatyn.Árıne, bul jaǵdaılarǵa keshirimmen de qarar edik. Bizdi ákimshilik qyzmetkerleriniń, oblys ákiminiń birinshi orynbasary Bolat Dáýkenovtiń, oblystyq qarjy basqarmasynyń bastyǵy Baýyrjan Jantemirovtiń, oblystyq energetıka, turǵyn úı, kommýnaldyq sharýashylyq basqarmasynyń bastyǵy Baýyrjan Jaısanovtyń jemqorlyǵy úshin qamaýǵa alynýy jerge qaratty.Osy jerde bir aıta keter nárse, oblystyń burynǵy ákimi Bergeı Rysqalıev oblystaǵy munaı kompanııalarynyń basshylaryna «balalar baqshasyn salyp bermeseńder, qyzmetkerlerińniń balalaryn balabaqshaǵa qabyldatpaımyn» deýi de kóńilge kirbiń uıalatty. Sonda, ákim oblystaǵy 450-deı munaı kompanııasynyń bıýdjettiń búıirin qalaı toltyryp jatqandaryn esinen shyǵaryp alǵany ma? Ol kompanııalarda jumys jasap jatqan qyzmetkerler oblystyń qarapaıym halqy emes pe, olardyń qandaı kinási bar edi? Tipti, muǵalimderge beriletin kómek qarjyny da qulqyndaryna salyp jiberýi keshirimsiz jaı.Qazir oblys halqynyń aýzyndaǵy áńgime burynǵy basshylardyń jemqorlyqqa belshelerinen batýy. Árıne, tergeý aıaqtalyp, sot bolmaı, biz eshteńe aıta almaımyz. Biraq ta, basshylardyń uzaq ýaqyt boıy eldi aldap kelýi halyqtan da uıat boldy… Osyndaıda qanyń qalaı qaınamaıdy?!Sóz túıininde taǵy bir jaıdy aıtýǵa týra kelip tur. Oblystaǵy basqa da gazettermen qatar «Munaıly astana» gazeti de burynǵy ákimniń tusynda keıbir madaqtaý maqalalaryn bergen-di. Qaıteıik endi, asyra maqtaǵan kezimiz úshin oqyrmandardan myń márte keshirim suraımyz. Eń bastysy – el bolyp, jurt bolyp osy isten sabaq alý.Quttygereı SMADIIаR,«Munaıly astana» gazetiniń bas redaktory.Atyraý.