Shymkentte úshinshi megapolıstiń týrıstik logotıpine aınalǵan qyzǵaldaqtardy násıhattaıty «Qyzǵaldaq joly» halyqaralyq festıvali ótti. Qalalyqtardyń súıikti demalys aımaǵy – Arbatqa florıster daıyndaǵan shoq gúlder qoıylyp, fotokórme, balǵyndardyń qylqalamynan týyndaǵan sýretter gallereıasy uıymdastyryldy. Sondaı-aq, shahardyń Uly Jibek Joly boıyndaǵy ejelgi qala ekendigin týrısterge nasıhattaý úshin Arbat jolymen saýdagerler men qolónershilerdiń ejelgi kerýeni júrip ótti.
Aıtýly mádenı sharaǵa qala ákimi Ǵabıdolla Ábdirahymov qatysyp, megapolıs turǵyndary men qonaqtaryn quttyqtady.
«Qyzǵaldaq festıvali qalamyzda halyqaralyq deńgeıde tuńǵysh ret uıymdastyrylyp otyr. Qyzǵaldaqtyń otany – elimizdiń Ońtústigi ekenin maqtanysh etemiz. Sondyqtan osy gúldi brendimizge aınaldyryp, álem qyzǵaldaq arqyly Shymqalany tanyp-bilse degen maqsatpen festıvaldi uıymdastyrdyq», dedi shahar basshysy.
Festıval aıasynda Arbatta turǵyzylan Sheberler qalasynda jasóskinder eńbegimen el alqaýyn alǵan órt sóndirýshi, polısııa, dárigerler sekildi mamandyq ıelerimen júzdesip, óz isiniń sheberleriniń jumysymen tanysty.
Shymkentti gúlge oraǵan festıval keshke deıin jalǵasyp, florıster sheberlik sabaq ótkizdi. Merekelik dýmannyń sońy estrada juldyzdardyń konserttik baǵdarlamasyna ulasady.
- Elimizdiń ońtústigindegi ejelgi shahardyń oń ımıdjdin tek el ishinde ǵana emes, shetelge shyǵarýǵa serpin bergen bul retki festıvaldiń kózdegeni týrıstik ınfraqurylymdy damytý, týrıstik ónimder men qyzmetterdiń sapasyn arttyrý, megapolıste týrızmdi alǵa jyljytý, deıdi festıval uıymdastyrýshylary.