Seısenbi, 12 naýryz 2013 11:56
Sút sapaly bolýy úshin mal ósiretin sharýashylyqtar jumysyna qatań baqylaý ornatýymyz qajet, dep jazady Kapital.kz «Qazaqstan sút odaǵy» dırektory orynbasarynyń mindetin atqarýshy Lıdııa Mıheevanyń keltirgen deregine súıenip L. Mıheevanyń aıtýynsha, Qyrǵyzstanda óndirilgen súttiń sapasyna baılanysty, ondaǵy sút zaýyttary tekserýden ótkizilgen.
Seısenbi, 12 naýryz 2013 11:56
Sút sapaly bolýy úshin mal ósiretin sharýashylyqtar jumysyna qatań baqylaý ornatýymyz qajet, dep jazady Kapital.kz «Qazaqstan sút odaǵy» dırektory orynbasarynyń mindetin atqarýshy Lıdııa Mıheevanyń keltirgen deregine súıenip L. Mıheevanyń aıtýynsha, Qyrǵyzstanda óndirilgen súttiń sapasyna baılanysty, ondaǵy sút zaýyttary tekserýden ótkizilgen. Al negizinde mal ósiretin sharýashylyqtardaǵy tórt túlik tolyq tekserýden ótýi tıis eken. Sebebi, aýrý maldan taraǵan sút ónimi adam aǵzasyna zalalyn tıgizedi. Sondaı-aq, ol shıki sút pen ony ázirleýdiń tehnologııasynda biraz ózgesheliktiń bar ekenin atap ótti.Osy kezge deıin aıtylyp júrgen qurǵaq sútti paıdalanbaý máselesi áli tolyq sheshilgen joq. Taǵy bir nazar aýdararlyq jáıt, sút ónimin ótkizý barysynda rettilik joq. Sondyqtan da, sút ónimine qatysty kıkiljiń aragidik boı kóterip qalady. Qys aıyna qaraǵanda, jaz mezgilinde sút 3-3,5 ese artyq óndiriledi. Jekelegen sharýashylyqtarda sút saqtaıtyn muzdatqysh bolmaǵandyqtan, ony der mezgilinde ótkizý isinde qıyndyq týyndap jatady. Máselen, beıresmı derek kózinde Qazaqstanda jylyna 5 mln. tonnaǵa jýyq sút óndiriletini aıtylǵan. Sonyń 30 paıyzy ǵana sút zaýyttaryna jetkiziledi eken. Al 20 paıyzyn sharýalardyń ózderi kádege jaratatyn kórinedi. Qalǵany esh óńdeýden ótpeı, kóshe boıynda satylýda. Ashy shyndyqtyń astaryn zerdeleıtin quzyrly oryn beıresmı aqparattyń shynaıylyǵyna tıisti baǵasyn beredi dep oılaımyz.
Ámirhan Almaǵanbetov.