Aıýannan nesi artyq?!

Sársenbi, 22 mamyr 2013 1:24

Oblystyq ishki ister depar­tamenti qyzmetker­­­­le­ri­niń shekten shyqqan beı­bastaq­tyq­tary men jaýyz­dyq is-áreketteri qarapaıym jurtshylyqty ashyndyryp bitti. Ábden zárezep bolǵandary sonshalyq, tártip saqshysyn ana­daıdan kórse boldy, kómek suraý­dyń ornyna tura qashatyndy shy­ǵardy. Olardyń qolymen jasalǵan qylmystar adamnyń tóbe shashyn tik turǵyzyp, quıqa tamyryn shymyrlatyp qoıa beredi. Aıta berse, mysal kóp. Jýyrdaǵy sumdyq oqıǵa sonyń bir aıǵaǵy ǵana.

Sársenbi, 22 mamyr 2013 1:24

Oblystyq ishki ister depar­tamenti qyzmetker­­­­le­ri­niń shekten shyqqan beı­bastaq­tyq­tary men jaýyz­dyq is-áreketteri qarapaıym jurtshylyqty ashyndyryp bitti. Ábden zárezep bolǵandary sonshalyq, tártip saqshysyn ana­daıdan kórse boldy, kómek suraý­dyń ornyna tura qashatyndy shy­ǵardy. Olardyń qolymen jasalǵan qylmystar adamnyń tóbe shashyn tik turǵyzyp, quıqa tamyryn shymyrlatyp qoıa beredi. Aıta berse, mysal kóp. Jýyrdaǵy sumdyq oqıǵa sonyń bir aıǵaǵy ǵana.

Araqqa sylqııa toıyp alǵan polısııa formasyndaǵy úsheý tıiserge qara tappaı alasuryp turǵanda Sokolov aýylyndaǵy meıramhana aldynda 24 jastaǵy Evgenıı degen mas jigitti kózderi shalyp qalady. Sirá, jol polısııasy batalony qyzmetkeriniń oǵan degen eski kegi esine túsip ketken bolý kerek, áı-shaıǵa kelmesten ony tarpa bas salady. Anaý da tiri jan emes pe, barynsha qarsylasyp baǵady. Biraq kózi qaraýytyp, qany qaraıǵan «qyzyl jaǵaly» alyp ta, shalyp ta jyǵyp, mashınanyń bagajyna salǵan kúıi Esil ózenine qaraı týra tartady. Sodan tuńǵıyq sýǵa shym batyryp jiberedi.

Búginde olardyń jaǵa jyrtysyn quddy kıno kórgendeı qyzyǵa tamashalaǵan Sokolov aýyldyq polısııa bóliminiń eki qyz­metkeri qamaýǵa alyndy. Adam ólimine tikeleı sebepshi bol­ǵan qanypezerdiń Astanada onko­logııalyq dıspanserde jatýyna baılanysty qatań kúzet qoıyldy.

Eki aıaqty aıýandardyń qulaq estip, kóz kórmegen taǵylyq qy­lyq­tary departament basshylaryn el betine qaraı almaıtyndaı masqaralady. Qatań talap, berik tártip bosańsyǵan jerde esirik atpaǵanda qaıtedi?

О́mir ESQALI,

«Egemen Qazaqstan».

Soltústik Qazaqstan oblysy.