– Osydan birneshe jyl buryn baladaı mápelep kútken fatsııa ósimdiginiń tuńǵysh ret gúldegenin jurtshylyq bolyp tamashalaǵan edik. Halyq arasynda «qara aǵash» degen atpen tanymal onyń kósheti osydan jarty ǵasyr buryn Vetnamnan ákelingen bolatyn. Fatsııanyń dińinen daıyndalǵan qaǵazdyń sapasy áıgili papırýstan kem emes.Erte zamandaǵy dıplomatııalyq hattar men Quran Kárim súreleri osydan jasalǵany az aıtylmaıdy. Alǵashqy jemisiniń dámi áli aýzymnan ketpeıdi, – deıdi ótkennen sýyrtpaqtap syr shertken ol.
Al anar aǵashynyń gúldeý sátin oranjereıa qyzmetkerleri 10 jyl boıy kútipti. Olardyń aıtýynsha, anar sýbtropıkalyq jemis bolǵandyqtan, óte kirpııaz. Biraq baqtyń bas agronomy R.Rıazapov teriskeıde jersindirýge táýekel etip, alty túbin Germanııadan aldyrypty. Jaqsy kútimniń nátıjesinde kóshettiń ekeýi ósip, ónip, bıyl birinshi ret búrshik jardy. Olardy ǵylymı mamandar jasandy jolmen tozańdandyryp, nátıjesi kútkendegiden de asyp túsken. Sóıtip túınekteı jemis sala bastapty. Endi jaz maýsymynyń aıaǵyna qaraı balbyraı pisýin asyǵa tosyp júr.
Shynynda da manstera, dıngo, palma, magnolııa, kalla, lavr, paporotnık, kıparıs, kaktýs, agava, ıýkkı sekildi hosh ıisi tanaý qytyqtaıtyn ósimdikter álemi shoǵyrlanǵan saıabaq serýendeýge kelgen jandy máńgi jasyl ómir – tropıkalyq aımaqtyń syrly jumbaqtaryna jeteleı jóneletin tamasha áserge bóleıdi. Soltústik Qazaqstan oblysy