Qaharmandar esimi halqymen qaýyshady

Kitaptyń jáne jobanyń avtory, belgili qoǵam qaıratkeri Berik Ábdiǵalıuly. Jańa eńbek Nur Otan partııasynyń «Ardagerlerdi ardaqtaıyq» jobasy aıasynda jáne «Qaharmandar» qorynyń qol­daýymen jaryq kórdi. Sal­tanatty rásimge partııa Tóra­ǵasynyń birinshi orynbasary Máýlen Áshimbaev, belgili mem­leket qaıratkeri, Halyq Qahar­many Muhtar Altynbaev, «Qahar­mandar» qorynyń dırektory, bel­gili qoǵam qaıratkeri Sabyr Qa­symov, Májilis depýtaty Ba­qytbek Smaǵul jáne t.b. qatys­ty. Is-sharany belgili jýrna­lıst, kórnekti qalamger Nurtóre Júsip júrgizip otyrdy. Basqo­sýda kitapqa esimi engizilgen Minaı­qul Saǵyndyqovtyń uly Marat Saǵyndyqov ta qatysty.

Nur Otan partııasy Tóra­ǵa­sy­nyń birinshi orynbasary M.Áshimbaev jobanyń basty maq­saty umyt qalǵan ardager­lerimizdiń esimderin dáriptep, olardyń erlikterin bolashaq Otan qorǵaýshylarǵa tanystyrý ekenin aıtty. «Osy ıgilikti isi­miz arqyly biz jas urpaqty otansúıgishtikke tárbıeleýdi maqsat tuttyq. Kezinde ózderi kóre almaı ketken qurmet pen marapatty búgingi urpaqtaryna kórsetip, atalarymyzdyń erlikterin dáripteýdi kózdedik, dedi ol. О́ziniń sózinde kitapty qurastyrýshy Berik Ábdiǵalıuly ony «Zabytye Geroı. Geroı Sovetskogo Soıýza» atty jınaqtyń jalǵasy dep qabyldaýǵa da bolatynyn jet­kizdi. Osy eńbekte Keńes Odaǵy­nyń Batyry ataǵyna usynylǵan 133 maıdanger týraly málimetter en­gizilgen. Olardyń kópshiligi jaıaý ásker. Alaıda eren erlik kór­set­se de, talaı erler laıyqty mara­patyn ala almaǵan, deı kelip Berik Ábdiǵalıuly soǵys jyl­darynda 497 otandasymyz Keńes Odaǵynyń Batyry ata­ǵyna ıe bolǵanyn, alaıda usy­nyl­ǵandardyń sany budan áldeqaıda kóp ekenin aıtty. «О́kinishke qa­raı, kóptegen jaýyngerge qaharman ataǵy qaı­tys bolǵan soń berildi. Reseı, Be­larýs, Ýk­raına jáne basqa da Eýropa el­derinde myńdaǵan bel­gisiz jáne aty saqtalmaǵan jas batyr­lar máńgilikke qaldy. Soǵys alań­darynda izdestirý jumystary áli kúnge deıin jalǵasýda. Bizdiń ár batyrymyz este saqtaýǵa, qur­met kórsetýge laıyq. Olardyń esim­deri eshqashan umytylyp ket­peýi kerek. Sebebi olardyń árqaı­sysy naǵyz qaharmandar», – dedi Berik Ábdiǵalıuly. Avtor bu­lardan basqa segiz birdeı otanda­symyzdyń eki ret Batyr ataǵyna usynylǵanyn tilge tıek etti. Olardyń ekeýi kapıtan Saǵadat Nurmaǵambetov pen Seıithan Temirbaev. «Olardyń arasynda saperler – qatardaǵy jaýynger Qudaıbergen Janserikov jáne aǵa serjant Minaıqul Saǵyndyqov, atqyshtar rotasynyń komandıri, leıtenant Qabysh Kóktaev, 248 jaýdyń kózin joıǵan mergen, aǵa serjant Zeıtin Baıjanov jáne maıor V.Gýtov pen leıtenant V.Gý­tovskıı bar», dedi ol.

Respýblıkalyq «Qahar­man­dar» qoǵamdyq qory mundaı bastamany árqashanda qoldaıdy jáne búgingi «Umytylǵan qaharmandar» kitabynyń «Otan qorǵaýshy» kúni merekesiniń qarsańynda Nur Otan partııasynyń bastamasymen ótkizilip otyrǵanyna rızashylyǵymdy bildiremin, dedi óziniń sózinde Sabyr Qasymov. «Bul Tuńǵysh Prezıdentimiz, El­basynyń ulttyq sanany jań­ǵyrtý jáne qoǵamymyzdy rýha­nı-patrıottyq turǵydan órle­tý baǵytyndaǵy saıası baǵytyn iske asyrýdyń aıqyn kórinisi dep bilemin. Aqtalmaǵan qahar­man­dardyń esimderin aqtaý, olar­dyń erligi men jarqyn esim­derin halyqqa oraltý jáne bú­gin­gi urpaqty patrıottyq rýh­ta tárbıeleý maqsatymen quryl­ǵan «Qaharmandar» qory bul ju­mys­qa qolymyzdan kelgen kómegimizdi jasadyq», dedi óziniń sózinde Sabyr Qasymov.

Sóıtip, qaharmandar esimi «Otan qorǵaýshy» kúninde bir jańǵyrdy.