Lektorlyq top quramynda QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń basshysy, Ádep jónindegi keńesiniń tóraıymy N.Jannazarova, Sybaılas jemqorlyqqa qarsy is-qımyl Ulttyq bıýrosy Mańǵystaý oblysy boıynsha departamenti basshysynyń orynbasary B.Mahmýd, oblystyq ortalyq «Beket Ata» meshitiniń bas ımamy S.Seıitbek, oblystyq arnaıy monıtorıng tobynyń jetekshisi A.Manov, «Jańarý» respýblıkalyq sybaılas jemqorlyqqa qarsy qozǵalysynyń Mańǵystaý oblystyq fılıalynyń jetekshisi, oblystyq arnaıy monıtorıng toby jetekshisiniń orynbasary D.Úsipbaev, qalalyq sport uıymdarynyń basshylary men jattyqtyrýshy quramy keń kólemde qatysty. Agenttiktiń aýmaqtyq departamentiniń basshysy N.Jannazarova qatysýshylarǵa zamanaýı sybaılas jemqorlyqqa qarsy zańnama talaptarymen tanystyryp, jemqorlyq quqyq buzýshylyqtar úshin ákimshilik jáne qylmystyq jaýapkershilik, turǵyndarmen keri baılanys mehanızmderin ornatýdaǵy Koll-ortalyǵy men shuǵyl jelisiniń múmkindikteri, departamentpen qoǵam ókilderin tartý arqyly josparlanyp jatqan sport salasyndaǵy sybaılas jemqorlyq táýekelderine syrtqy taldaý júrgizýdiń mán-jaıyn baıandap, belsendilik tanytýǵa shaqyrdy.
Ol sonymen birge jas urpaqty adaldyqqa tárbıeleý jáne jurtshylyqtyń áleýmettik jaýapkershiligin kóterý maqsatynda óńirimizde ashylǵan «Adaldyq dúkenderine» toqtalyp ótti. Oblysta ashylǵan 106 dúken tek oqý oryndarynda ǵana emes, sonymen birge Aqtaý qalalyq polısııa basqarmasynda, arnaıy halyqqa qyzmet kórsetý ortalyǵynda jáne halyqaralyq áýejaıda ózine-ózi qyzmet kórsetý qaǵıdatymen jumys jasap tur. Departament basshysy osyndaı kreatıvti tájirıbeni sporttyq mekemelerdi qamtı otyryp jalǵastyrý qajet degen usynysyn bildirdi.
Ulttyq bıýro aýmaqtyq departamenti basshysynyń orynbasary B.Mahmýd jemqorlyq sııaqty qoǵam dertine «Jumyla kótergen júk jeńil» degendeı bir judyryqtaı jumylyp qana qarsy turýǵa bolatyndyǵyn, sport salasynda jemqorlyqqa ıtermeleıtin faktorlardyń biri sportshylardyń jalaqysy tómendigi ekendigin, ýákiletti organnyń eń basty maqsaty jazalaý emes, kerisinshe qylmystyń prevensııasy ekendigin naqtylady.
О́z kezeginde oblystyń bas ımamy S.Seıitbek paraqorlyqtyń sharıǵattaǵy úkimi, Quran jáne Súnnetke qaıshy keletin para alý, para berý, eki ortada dáneker bolý sııaqty is-áreketterdiń aýyr zardaptaryn baıandap, adal eńbekpen ǵana tabylǵan dúnıe-múliktiń berekeli bolatynyn jetkizdi.
Qoǵam belsendisi A.Manov oblystyq arnaıy monıtorıng tobynyń sybaılas jemqorlyqqa qarsy is-qımyldaǵy maqsaty men mindetterin túsindirip ótse, D.Úsipbaev sybaılas jemqorlyq sııaqty teris qubylysqa búkil qoǵam bolyp jumylyp qarsy turǵan jaǵdaıda ǵana nátıjege qol jetkizýge bolatyndyǵyn basa aıtty.
Sportshy qaýym sybaılas jemqorlyqqa qarsy arnaıy daıyndalǵan beınerolıkti kórgen soń, spıkerlerge kókeıindegi saýaldaryn qoıyp, jemqorlyqqa qarsy is-qımyldyń jańa mehanızmderi, memlekettik qyzmetshilerdiń ádep normalary, t.b. salalar boıynsha tolyq jaýaptaryn aldy.
Shara sońynda Aqtaý qalalyq dene shynyqtyrý, sport jáne týrızm bóliminiń basshysy Q.Jumabaev Agenttiktiń aýmaqtyq departamentimen birlesip qoǵamda sybaılas jemqorlyqqa qarsy mádenıetti jáne memlekettik qyzmettiń oń ımıdjin qalyptastyrý boıynsha is-sharalardy odan ári belsendi túrde jalǵastyrylatynyn jetkizdi.
Mańǵystaý oblysy