«Ádilet» partııasynyń uıymdastyrý komıteti Ádilet mınıstrligine partııa qurý nıeti týraly habarlama usynyp, onyń qabyldanǵanyn rastaıtyn qujat aldy, dep jazady Egemen.kz.
2026 jylǵy 16 sáýirde bastamashyl toptyń atynan usynylǵan qujattar paketi eldiń barlyq óńirin qamtydy. Atap aıtqanda, barlyq oblystardan, respýblıkalyq mańyzy bar qalalar men Astanadan jınalǵan 700-den astam azamat jańa saıası birlestik qurýǵa nıet bildirip otyr. Uıymdastyrýshylardyń málimetinshe, qajetti ilespe qujattardyń barlyǵy zań talaptaryna saı rásimdelip, ýákiletti organǵa tolyq kólemde tapsyrylǵan.
Qazaqstanda jańa saıası partııa qurylýy múmkin
Osylaısha, «Ádilet» partııasynyń uıymdastyrý komıteti resmı túrde óz qyzmetine kiristi. Aldaǵy kezeńde qurylymdyq jumystar júrgizilip, partııanyń baǵdarlamalyq ustanymdary naqtylanbaq.
Uıymdastyrýshylardyń josparyna sáıkes, 2026 jylǵy mamyr aıynyń basynda partııanyń quryltaı sezin ótkizý kózdelip otyr. Jıynda partııanyń negizgi baǵyttary bekitilip, basqarý organdary saılanýy múmkin. Quryltaı seziniń naqty kúni men ótetin orny týraly qosymsha habarlanatyny aıtyldy.
«AMANAT» partııasy jańa jobany iske qosty