Shyǵys Qazaqstanda ustazdardyń qarjylyq saýatyn arttyrýǵa baǵyttalǵan aýqymdy is-shara ótti. «Zań men tártip» narratıvin iske asyrý aıasynda uıymdastyrylǵan bul bastama bilim berý salasy qyzmetkerleriniń alaıaqtyqqa qarsy ımmýnıtetin kúsheıtýdi kózdeıdi, dep jazady Egemen.kz.
2026 jylǵy 16 sáýirde Shyǵys Qazaqstan oblysy boıynsha Ekonomıkalyq tergep-tekserý departamenti oblys prokýratýrasy jáne ákimdigimen birlesip, mektep muǵalimderi men kolledj oqytýshylaryna arnalǵan «Stop pıramıda! Qarjylyq saýattylyqty arttyrý» taqyrybynda aksııa ótkizdi. Is-sharanyń negizgi maqsaty – pedagogterdiń qarjylyq saýattylyq deńgeıin kóterý, alaıaqtyq shemalardy der kezinde taný qabiletin qalyptastyrý jáne osy bilimdi oqýshylar men stýdentterge jetkizý arqyly olardyń quqyqqa qaıshy áreketterge tartylýynyń aldyn alý.
Kezdesý barysynda qatysýshylarǵa qarjylyq pıramıdalardyń basty belgileri, olardyń jumys isteý tetikteri jáne saqtaný joldary keńinen túsindirildi. Mamandar kúmándi jobalardyń alǵashqy kezeńde-aq joǵary tabystardy ýáde etýi, naqty ekonomıkalyq negizdiń bolmaýy jáne jańa qatysýshylardy tartýǵa táýeldiligi sııaqty erekshelikterine toqtaldy.
Baspanaǵa qatysty jańa alaıaqtyq shema: IIM qazaqstandyqtarǵa eskertý jasady
Is-sharanyń ereksheligi – zamanaýı tehnologııalardyń qoldanylýy. Qatysýshylarǵa Qarjylyq monıtorıng agenttiginiń AI-ofıseri – AI_DOS kómegimen daıyndalǵan qarjylyq qaýipsizdikke qatysty leksııalyq materıaldary usynyldy. Bul sıfrlyq qural kúrdeli aqparatty qarapaıym ári túsinikti formatta jetkizýge múmkindik berdi.
Pedagogter talqylaýǵa belsendi qatysyp, joǵary kásibı qyzyǵýshylyq pen jaýapkershilik tanytty. Ashyq dıalog barysynda qarjylyq qaýipsizdikke qatysty ózekti máseleler qozǵalyp, tájirıbelik suraqtarǵa naqty jaýaptar berildi. Pikir almasý mazmundy ári konstrýktıvti sıpatta ótip, qatysýshylardyń bilimin tolyqtyra tústi.
Mundaı bastamalar qoǵamdaǵy qarjylyq mádenıetti arttyrýda mańyzdy ról atqarady. Sebebi qarjylyq saýatty ustaz – sanaly urpaqtyń kepili, al bul óz kezeginde alaıaqtyqtyń taralýyna tosqaýyl bolmaq.
Táýligine 690 dollar tabys: Elektrosamokat arqyly jasalǵan alaıaqtyq áshkere boldy