12 naýryz kúni Nıý-Iorkte "Global Finance" jýrnaly jyl saıynǵy dástúr boıynsha 26-shy ret álemniń úzdik bankterin saltanatty jaǵdaıda marapattady.
"Global Finance" jýrnalynyń ujymy qarqyndy ósý, ınnovasııalyq tehnologııalardy ázirleý jáne engizý, sondaı-aq strategııalyq jobalardy iske asyrý krıterıılerin negizge ala otyryp, jyl saıyn 150-den astam eldegi úzdik qarjy ınstıtýttaryna zertteý júrgizedi jáne tańdaıdy. Bıyl da ońtaıly jáne yńǵaıly servısterimen jáne keremet bıznes nátıjelerimen birqatar bankter laýreat dep tanyldy. Halyqaralyq basylymnyń oń kózqarasyna ıe bolǵan qarjy uıymdarynyń arasynda qazaqstandyq Forte banki bar.
Saltanatty rásimde banktiń basqarma tóraǵasy Gýram Andronıkashvılı bylaı dedi: "Biz úshin Global Finance jýrnalynyń marapatyn alý – úlken qurmet. Bul marapatty eki jyl qatarynan ıelenýimiz bizdiń tutynýshylarymyzǵa tıimdi qyzmetimizdi jáne strategııamyzdyń durys tańdalǵanyn rastaıdy. Bank óziniń klıentterine úzdik ınnovasııalyq ónimderin usyna otyryp, kapıtalynyń jetkiliktiligi men ótimdiligi boıynsha naryqta kóshbasshylyq pozısııasyn saqtap qalady. Biz 2018 jyly barlyq qarjylyq jáne operasııalyq kórsetkishter negizinde aıtarlyqtaı ósimge qol jetkizip, aktıvter mólsheri boıynsha Qazaqstannyń ekinshi deńgeıli bankteriniń top-3 quramyna kirdik. Al bul jetistigimiz halyqaralyq sarapshylar tarapynan baǵalanǵanyna qýanyshtymyz".
Aıta keteıik, "Global Finance" taldaýshylarynyń pikirinshe, ForteBank jeńisin anyqtaǵan negizgi faktorlar naryqtyq pozısııalarynyń kúsheıýi, geografııalyq qamtýy jáne klıentter úshin úzdik ınnovasııalyq qyzmet kórsetýi bolyp tabylady.