“TAŃ SAMALY” TERBETTI

Beıbitshilik jáne kelisim saraıynda KSRO halyq ártisi, Memlekettik syılyqtyń laýreaty, kompozıtor Erkeǵalı Rahmadıevtiń 80 jyldyǵyna oraılas “Tań samaly” atty konsert ótti. Keshte kompozıtordyń ánderi oryndalyp, jınalǵan jurtty bir jelpintip tastady. “Tań samaly” dese degendeı, ádemi ánderdi birinen soń biri qalyqtatqan ánshiler qatary da osal emes. Atap aıtqanda, Qaırat Baıbosynov, Serik Ospanov, Gúlnar Hamzına, Ǵalııa Baıǵazınova, Azamat Jyl­tyr­gózov, Nuraı Tanabaev, Jupar Ǵabdýllına, Klara Tólenbaeva, Medet Shotabaev, Bátıma Ize­na­­e­va, Bıbigúl Januzaq, Erbol Sá­dýa­qasovtar án shyrqap, klas­sı­ka­lyq ánderdiń sulýlyǵyn tyń­dar­man júregine jetkize bildi. M. Maqataev, K. Salyqov, T. Mol­daǵa­lıevtardyń óleńderine ja­zylǵan E. Rahmadıevtiń ánderi qansha ýaqyttan beri synyn jo­ǵalt­paı, sol sulý kúıinde jı­nal­ǵan­dardy baýrap aldy. Sonymen qatar, operalardan da arııalar oryndaldy. Mysaly, A. Jyl­tyr­gózov “Al­pamys” opera­synan Alpamystyń, Bı­bigúl Ja­nuzaq Gúlbarshynnyń ar­ııa­syn naqy­shy­na keltire oryn­dasa,  “Qa­mar sulý” operas­y­nan Qamar men Ah­met­tiń dýetin Ǵalııa Baı­ǵazınova men Qııaqbaı Asambaev náshine keltire shyrqady.  Konsertti Aıtqalı Jaıymovtyń dırı­jerligimen bastan-aıaq qazaq halyq aspaptary orkestri súıemeldedi. Kesh sońynda kompozıtor konsertti uıymdastyrýshylarǵa óz alǵysyn bildirdi. “Elimiz tynysh bolsyn, Elbasymyz, atqa mingen aza­mattar aman bolsyn”, degen aq­saqaldyq tilegin bildirgen E.Rah­­madıev oryndalǵan keı án­der­diń budan jarty ǵasyrdan astam ýaqyt buryn jazyl­ǵan­dyǵyn eske saldy. Keshke Par­la­ment Má­ji­li­si­niń Tóraǵasy Oral Mu­ham­ed­janov qatysyp, konsertti tama­sha­lady. Venera TÚGELBAI.