Ekonomıkanyń basymdyqty salalaryn damytý boıynsha memlekettik qoldaý sharalaryn kórsetý aıasynda memlekettik organdardyń, óńirler men damý ınstıtýttarynyń ókilderiniń qatysýymen Jobalyq keńse jumys isteıdi.
Premer-Mınıstrdiń Orynbasary J. Qasymbek Jobalyq keńse alańynda apta saıyn 300-ge jýyq otyrys ótkizilip, 1000-nan astam áleýetti kásipker tyńdalǵanyn jetkizdi. Nátıjesinde halyq tutynatyn taýarlar óndirisin damytýdyń qazirgi Baǵdarlamasyna ózgerister paketi ázirlendi. 2025 jylǵa qaraı «qarapaıym zattar ekonomıkasy» taýarlary boıynsha ımport úlesin 59%-dan 37%-ǵa deıin tómendetip, 16 myńǵa jýyq jumys ornyn quryp, salyq túsimderin 1,1 trln teńgege arttyrý josparlanǵan.
Máseleni qaraý qorytyndysy boıynsha Premer-Mınıstr Asqar Mamın jeńildikpen nesıelendirýdiń oń qarqynyn atap ótti. Búgingi tańda 700 mlrd teńgeden asatyn somaǵa 900 jýyq joba jumys ústinde.
Úkimet basshysy halyq tutynatyn taýarlar óndirisin odan ári damytý boıynsha aıtylǵan tásilderge qoldaý bildirdi. Olardyń ishinde túpki qaryz alýshy úshin paıyzdyq mólsherlemeni 9%-dan 6%-ǵa deıin tómendetý, nesıe merziminen 1/3 aspaıtyn ýaqytqa jeńildikti kezeńdi engizý jáne nesıelendirý úshin taýarlar tizimin keńeıtý bar.
Otandyq taýar jáne qyzmet óndirýshilerdi qoldaý úshin Premer-Mınıstr A. Mamın memlekettik satyp alýlar men kvazımemlekettik sektor satyp alýlarynda «qarapaıym zattar ekonomıkasyna» jatatyn taýarlar men qyzmetterdiń úlesin arttyrý boıynsha sharalardy qabyldaýdy tapsyrdy. Oblys ákimdikterine jergilikti qamtýdy baqylaý boıynsha jumystardy jandandyrý kerek.
Aldaǵy 3 jylda qazaqstandyq kásiporyndardy qoldaýǵa 500 mlrd teńge bólinedi. Shıkizattyq emes eksportty damytý aıasynda memlekettik organdar oǵan bólingen bıýdjet qarajatyn tolyq jáne ýaqytyly ıgerý boıynsha jumysty jalǵastyryp, shıkizattyq emes eksportty ilgeriletý tetikterin jetildirý boıynsha usynystar engizý qajet, onyń ishinde a. j. 24 mamyrda Ulttyq ınvestorlar keńesinde bıznes kótergen máseleler eskerilýi tıis.