Nursultan Ábishuly sonaý 2009 jyldyń qazan aıynda Ázerbaıjannyń Nahıchevan qalasynda ótken Túrki tildes memleketter basshylarynyń 9-sammıtinde «óńirlik saıası birlestikterdiń barlyq qajetti belgilerine, uıymdastyrý túzilisterine jáne quqyqtyq mártebege ıe» Túrki tildes memleketterdiń yntymaqtastyq keńesin (Túrki keńesi) qurý jóninde bastama kótergen. Munymen birge gýmanıtarlyq baǵyttaǵy birqatar jalpytúrkilik ınstıtýttardy: Túrki álemin zertteý ortalyǵyn, Túrki akademııasyn, onyń quramynda Túrki tarıhynyń jáne mádenıetiniń ortalyǵyn, Túrki tilin zertteý ortalyǵyn, Túrki kitaphanasyn, Túrki murajaıyn qurýdy usynǵan edi.
N.Nazarbaevtyń ıdeıalary iske asyp, búgingi kúnde Túrki keńesiniń alty jıyny ótti. Qazaqstanda Halyqaralyq túrki akademııasy, Túrkııada basqa da ınstıtýttar jumystaryn júrgizip jatyr. Túrki keńesi alǵashqyda gýmanıtarlyq máselelermen shuǵyldansa, endi ekonomıka, qaýipsizdik máselelerin kún tártibine qoıa bastady. О́tken jyly Qyrǵyzstanda ótkizilgen Túrki keńesiniń altynshy jıynynda Túrki tildes memleketter ıntegrasııasynyń tujyrymdamasyna qol qoıyldy. Nursultan Ábishuly keńestiń isterine belsendi qatysyp, baýyrlas túrki halyqtarynyń birligin bekemdeýge uıytqy bolýda. «Tórteý túgel bolsa, tóbedegi keledi» demekshi, Keńestegi tórt memlekettiń qataryna О́zbekstan Respýblıkasynyń da qosylý nıeti bar ekenin ótken mamyr aıynda osy eldiń Syrtqy ister mınıstrligi bildirgeni málim.
Túrkııa Prezıdenti Taııp Erdoǵannyń ózi qazaq halqynyń lıderi Nursultan Nazarbaevqa Túrki keńesiniń ǵumyr boıǵy Qurmetti tóraǵasy mərtebesin berýge usynys jasaǵany ábden durys bolǵan. Onyń osyndaı usynys jasap, bastama kóterýine tolyq haqysy bar. Túrki tildes elderdegi halqy eń kóp Túrkııa Atatúrik zamanynan beri túrki halyqtarynyń yntymaǵyn arttyrýǵa kúsh salyp keledi.
Nursultan Ábishulynyń baýyrlas elderge peıilin anyq ańǵartqan eki mysaldy keltire ketsem deımin. Elbasynyń «Túrkııaǵa dushpan bolǵandar bizdiń de dushpanymyz» degen sózi bar. Al endi qyrǵyz eli týraly bul kisi «qazaq pen qyrǵyzdan jaqyn halyq joq» degen.
Qyrǵyz eli Nursultan Ábishulyn Túrki áleminiń kóshbasshysy dep tanıdy. «Aǵadan – aqyl, iniden – izet». Aqylman aqsaqalǵa qandaı izet kórsetilse de jarasymdy.
Baqtybek MAQSÚTOV,
«Aıkól Manas baıany» qorynyń tóraǵasy,
Qyrǵyz Respýblıkasynyń mádenıetine eńbek sińirgen qaıratker, Qyrǵyzstan Joǵarǵy Keńesiniń eks-depýtaty