Sharaına

Beısenbi, 14 aqpan 2013 6:51

Kongreske joldaýyn jarııalady

AQSh prezıdenti Barak Obama Kongreske jyl saıynǵy joldaýymen shyqty. Joldaý taqyryby «Eldiń jaǵdaıy týraly» dep atalady. Bul AQSh prezıdentiniń qaıta saılanǵannan keıingi alǵashqy joldaýy bolyp otyr.

Beısenbi, 14 aqpan 2013 6:51

Kongreske joldaýyn jarııalady

AQSh prezıdenti Barak Obama Kongreske jyl saıynǵy joldaýymen shyqty. Joldaý taqyryby «Eldiń jaǵdaıy týraly» dep atalady. Bul AQSh prezıdentiniń qaıta saılanǵannan keıingi alǵashqy joldaýy bolyp otyr.

Joldaýdyń basty taqyryptary ekonomıkany damytý men jumys oryndaryn qurýǵa negizdelgen. Atap aıtqanda, prezıdent áleýmettik baǵdarlamalardy qarjylandyrý qajettigin atap kór­setken. Mysaly, ol eldegi eń tómengi jalaqy saǵatyna 9 dollardy quraýy kerektigin kóldeneń tartty. Buǵan eldiń shamasy jetetinin atap ótti. B.Obama sondaı-aq, Kongreske atys qarýyna ba­­qylaýdy kúsheıtý boıynsha sharalar qabyldaý týraly usynyspen shyqty.

Aborıgender baıyrǵy turǵyndar

Avstralııa parlamentiniń tómengi palatasy aborıgenderdi eldiń baıyrǵy turǵyndary dep taný týraly zań jobasyn qabyldady. Qujatta aborıgenderdiń Avstralııa tarıhyndaǵy ǵajaıyp ta erekshe orny moıyndalady.

Zań jobasy aborıgenderdi eldiń baıyrǵy turǵyndary dep taný týraly konstıtýsııaǵa túzetý engizý úshin referendým ótkizý jolyndaǵy mańyzdy qadam bolyp otyr. Keıbir baǵalaýlar boıynsha, Avstralııaǵa aǵylshyndar aıaq basqan 1788 jyldary materıkte 1 mıllıon shamasynda aborıgender turypty. 1921 jyly olar 60 myńǵa deıin azaıǵan. Qazir el halqynyń sany 22 mıllıon adamdy qurasa, aborıgender shamamen 500 myńdaı delinip otyr. Olar 1967 jyldan beri saılaýǵa qatysý quqyna ıe.

Kóleńkeli ekonomıkasy – IJО́-niń 46%-y

Reseıdiń kóleńkeli ekonomıkasy 1994-2011 jyldary el IJО́-siniń 46%-yn quraǵan. Bul týraly AQSh-tyń zertteý ınstıtýtynyń baıandamasynda aıtylady. Zertteýshiler atalǵan kezeńde Reseıden 211,5 mıllıard dollar zańsyz shyǵarylǵanyn kóldeneń tartady.

Ekonomıkaǵa zańsyz quıylǵan aqsha 552,9 mıllıard dollar bolypty. Bul qarjylar birinshi kezekte esep-faktýralardy usynǵan kezde derekterdiń burmalaný jolymen túsipti. Al elden shyǵarylǵan 211,5 mıllıard dollar eshqandaı qujattarda kórsetilmegen aqsha eken. Olardyń negizin paralar, salyqtan jasyrylǵan tabystar, adamdar, esirtki jáne qarý-jaraq saýdasynan túsken aqsha quraıdy.

Papa otstavkasynyń sebebi nede?

Nemistiń 2013 jylǵy Karicartoon kúntizbesinde Rım Papasy Benedıkt HVI-nyń 11 aqpandaǵy otstavkasy týraly aldyn ala boljaý jasalypty. Kúntizbede salynǵan karıkatýrada Rım Papasy teledıdardyń aldynda otyrǵan kórinedi.

Sýrette Rım Papasynyń toltyrylǵan lotereıa bıletin teledıdardan kórsetilgen sandarmen salystyryp otyrǵany beınelenipti. Utqanyn túsingen kezde álemniń bas katolıgi bylaı deıdi: «O, Jaratqan! Erteń-aq otstavkaǵa ketemin!».  Benedıkt HVI 11 aqpanda shyn máninde Kıeli Taqtan bas tartyp, óziniń otstavkaǵa ketetinin jarııa etti. Karıkatýranyń avtory sýretshi Katarına Greve eken. Ol sýretti 2011 jyly salypty. Muny shynynda da kóripkeldik demeske lajyń joq.

Shırek ǵasyrdaǵy eń iri korabl

Reseı áskerı-teńiz flotynyń basshylyǵy jańa esmınestiń syzbasyn bekitti. Ol sońǵy 24 jylda elde jobalanǵan asa iri korabl bolyp tabylady. Esmınestiń jobasyn jasaǵan «Severnoe» dep atalatyn Sankt-Peterbýrgtiń konstrýktorlyq bıýrosy.

Endi konstrýktorlar ózderiniń jobalaryn qorǵap shyǵýlary tıis. Sodan keıin 2-3 jyl bederinde onyń tehnıkalyq qujattamasyn daıyndap, korabldiń syrtqy túri men ornatylatyn qarý-jaraǵyn aıqyndaý mindeti tur. Aldyn ala boljam boıynsha jańa esmınes atom kúshimen júretin bolady. Onyń sý syıymdylyǵy 12 myń tonnany quramaq.

5 myń jyldyq hram tabyldy

Perýlik arheologtar ejelgi El Paraıso turaǵy aýmaǵynda kólemi shaǵyn hramnyń ústinen tústi. Atalǵan turaq el astanasy – Lımaǵa jaqyn ornalasqan. Hram osydan 5 myń jyl buryn salynǵan degen boljam jasalyp otyr.

Ǵıbadathananyń kólemi 6,8 de 8 metr. Qabyrǵalary sary balshyqpen sylanǵan tastan qalanǵan. Ǵalymdardyń sózderine qaraǵanda, qabyrǵalarynyń bıiktigi 2,5 metrge jetken. Biraq búginde tómengi 70 santımetr bóligi ǵana saqtalǵan. Esigi tar. Odan bir ǵana adam óte alǵan. Shatyrsyz hramnyń ortasynda rásimdik oshaq ornatylypty. Odan shyqqan tútin aspanǵa kóterilip, qulshylyq etýshilerdiń qudaımen úndesýine múmkindik bergen dep sanalady.

Qysqa qaıyryp aıtqanda:

— Reseı bıýdjeti 2013 jyldy tapshylyqtan bastady. Aldyn ala baǵamdaý boıynsha, bıýdjet tapshylyǵy 81,25 mıllıard rýbl­­­­ge nemese IJО́-niń 1,8 paıyzyna teń.

—Mıhaıl Prohorovtyń «Azamattyq platforma» partııasy mıgranttardy beıimdeýden ótkizý úshin kampýstar qurýdy usyndy. Osylaısha, gastarbaıterlerdi rezervasııada ustaýdyń utymdylyǵy kóldeneń tartylyp otyr.

— Ýkraınanyń Kıev oblysyna qarasty Obýhov qalalyq keńesiniń depýtaty Dmıtrıı Sennıchenkoǵa Reseıge kirýge ruqsat berilmedi. Ol Máskeýge joldasyn kórý úshin kelgen kezde «Domodedovo» áýejaıynda ustalypty.

Internet materıaldary negizinde ázirlendi.