Bas bapker Mıhal Bılektiń bastapqy quramyna qarap, aldyn ala boljam aıtý da qıyn edi. Áýeli Ashat Taǵybergen, Abaı Aıymbetovke múmkindik berildi. Alǵashqy mınýttan bastap alań ıeleri tizgindi berik qolǵa aldy. 11-mınýtta Iаn Vorogovskıı qaptalmen shabýyldap, atqan oqtaı soqqy jasady. Bul dop qaqpashynyń qolyna tikeleı baryp tústi. Onyń izin ala Baýyrjan Islamhannyń baǵyttaǵan soqqysy buryshtama dobyn soǵýǵa sebepker boldy. Alaıda qýatty úsh soqqy da darymaı, Elıa Benedettını komandasyn qorǵap qaldy.
Taım ortasynda alań ıeleriniń shabýyly báseńsigenimen, birqatar múmkindik boldy. Taımnyń sońǵy mınýtynda ǵana Islambek Qýattyń ashqan esebimen komandalar úziliske tarady. Ekinshi taım qonaqtardyń shabýylymen bastalǵanymen, odan eshteńe shyqpady. Qazaqstan oıynshylary Ǵafýrjan Súıimbaev pen Ashat Taǵybergenniń áý bastaǵy tamasha soqqylary nátıje bermegenimen, Dmıtrıı Shomkonyń Maksım Fedınge asyrǵan pasynan bastap otandastarymyz qarsylas komanda qaqpashysyn birneshe márte qapyda qaldyrdy. Basymdyqty tolyǵymen qolǵa alǵan qazaqstandyqtar oıyn sońynda B.Islamhannyń tamasha soqqysymen kezdesýdi túıindedi.
Atalǵan jeńisten keıin Qazaqstan 6 upaı enshilep, topta úshinshi orynǵa kóterildi. Alǵashqy oryndy Belgııa (9 upaı), ekinshi oryndy Reseı (6 upaı) enshiledi. Shotlandııanyń da qorjynynda 6 upaı bar. Olar tórtinshi orynǵa turaqtasa, Kıpr besinshi satyǵa taban tirep, tizim sońynda San-Marıno komandasy qaldy.
Eýro-2020 irikteý týrnıri. 4-týr
I top
Qazaqstan – San-Marıno – 4:0
Goldar: Qýat – 45 (1:0), Fedın – 62 (2:0),
Súıimbaev – 66 (3:0), Islamhan – 79 (4:0).