Keı salada zań buzýshylyqtar azaımaı otyr

Bul týraly Sybaılas jem­qor­lyqqa qarsy is-qımyl agent­tiginde ótken baspasóz más­lı­ha­tynda ha­barlandy. Agent­tik ókilderiniń aıtý­lary­na qa­ra­ǵan­da, jergilikti jer­lerde úz­diksiz baqylaý jáne del­dal­darmen kúres júıeli bolǵa­ny­men, adamı faktorlardy tú­be­geıli joıý múmkin bolmaı otyr.

– Bizder temirjol vokzaldary men poıyzdarda qoǵam ókilderin qatystyra otyryp, reıdtik sharalardy úzdiksiz júrgizip kelemiz. Máselen, 2018 jyldyń qyrkúıek aıynan beri barlyq baǵyttar boıynsha 360 ret jolǵa shyǵyp, poıyzdarda bı­let­siz júrýdiń 362 jáne 35 rá­sim­delmegen júk pen bagaj tasý deregin anyqtadyq. О́kinishke qaraı ýákiletti organdar men ult­tyq tasymaldaýshy tarapy­nan baqylaýdyń azdyǵynan adam faktoryna baılanysty zań bu­zý­shylyq derekteri kóp, – deıdi «Adal jol» jobalyq keńsesiniń je­tekshisi Islambek Maıshekın.Son­dyqtan múddeli taraptar bul ol­qylyqty jolaýshylar tasymaly salasyn avtomattandyrý jáne sıfrlandyrý arqyly joıýǵa nıetti.

Osyǵan baılanysty aqpa­rat­tyq júıeni engizýshi «Instant Peı­ments» JShS ókili jańa baǵdar­lama «Oryn aýla» mehanı­z­min buǵattaýymen erekshele­ne­tinin aıtty. Bul tetikti qazirgi ýaqytta kassırler qaıtarylǵan bıletti ózge tulǵanyń atyna qymbat baǵasyna rásimdep berýde keńinen paıdalanyp júr.

Endi árbir jolaýshynyń bireýdiń qaıta tapsyrǵan bı­letin satyp alýǵa teń quqyǵy qamtamasyz etiledi. Jetildirilgen júıede «Oryn aýla» mehanızmine jol berilmeıdi. Atalǵan júıe qysqa ýaqyt ishinde bes bıletten artyq satyp alýǵa avtomatty túrde shekteý qoıady.

Baspasóz máslıhaty barysynda belgili bolǵandaı, Sybaılas jemqorlyqqa qarsy is-qımyl agenttigi bıýdjet qarajatynyń jumsalýyna baılanysty da birqatar zań buzýshylyqtardy áshkerelegen. Bul baǵyttaǵy qyl­mystar memlekettik qyzmet­shilermen ǵana emes, sondaı-aq memlekettik kómekti jáne maq­satty áleýmettik kómek alýǵa qu­qyǵy joq azamattarǵa da qatysty bolyp otyr.

Mysaly, Pavlodar qala­sy­nyń №2 soty Eńbek, áleý­met­tik qorǵaý jáne kóshi-qon komı­te­tiniń Pavlodar oblysy bo­ıyn­sha aýmaqtyq departamen­ti­niń bólim basshysyna, «Aza­mat­­tarǵa arnalǵan úkimet» Mem­lekettik korporasııasy dı­rek­torynyń orynbasaryna jáne osy me­ke­meniń bólim bas­shy­sy­­na oblys­tyń azamattarynan 300 myń teń­geden bastap 1 mln 200 myń teńge aralyǵynda syı­­a­qy­lar alyp, osy syıaqyǵa olar­ǵa zań­syz zeınetaqylar aýda­ryp, bıýd­jet­tiń 107 mln teńge qara­jatyn ysyrap etkenderi úshin ártúrli merzimderge sottady.

Sondaı-aq qylmystyq jaýap­kershilikke zańsyz zeınetaqy alǵan 49 azamat jáne olardyń 13 kó­mekshisi tartylǵan. Zań­syz zeınet­aqy alǵan 35 adam mem­leket­ke keltirilgen zalaldyń 73,6 mln teńgesin bıýdjetke qaıtarýy­na baılanysty olarǵa qatys­­ty qylmystyq qýdalaý aqta­maıtyn negizben qysqartyldy.

Al Jezqazǵan qalasynyń soty Oblystyq áleýmettik qor­ǵaý jáne kóshi-qon aýmaqtyq de­­par­tamentiniń «№3 Medı­sı­na­lyq-áleýmettik saraptama» bó­limi basshysyna azamattarǵa II ne­mese III toptaǵy múgedek de­gen anyq­tamasyn berý jáne olar­dy kedergisiz medısınalyq kýá­landyrýdan ótýleri úshin júıeli túr­de para alǵandary úshin 20 mln teńge kóleminde aıyppul saldy.