Memlekettik qyzmetshiler jarysy ótti

Jaqynda О́skemen qalasynyń ákimi Jaqsylyq Omardyń bastamasymen memlekettik qyz­met­shilerdiń sporttyq jarysy bolyp ótti. Eń aldymen Mem­lekettik qyzmet isteri jáne sybaılas jemqorlyqqa qarsy is-qımyl agenttigi Shyǵys Qa­zaq­stan oblysy boıynsha de­partamentiniń basshysy Jan­na Qabdoldaqyzy sóz alyp, sport pen eńbek egiz ekenin, búgingi jarysty uıymdastyryp otyrǵan qala ákimi Jaqsylyq Muqashulyna alǵysyn aıtty. Budan keıin qala ákimi Jaqsylyq Omar memlekettik qyzmette júr­gen jastardy merekesimen qut­tyqtap, Dohada ótken Azııa oıyn­darynyń kúmis júldegeri, qalalyq dene shynyqtyrý jáne sport bóliminiń basshysy Almas Ataev, qalalyq bi­lim berý bóliminiń bas mamany Elmıra Tileýhanova, jol polısııasynyń ınspektory Vladımır Kolesnıkovqa, basqa da bir top belsendige qala áki­miniń Qurmet gramotasyn, Alǵys hattaryn tabys etti. О́z kezeginde Janna Qabdoldaqyzy da bir top jasty marapattady. Uzaq jyl memlekettik qyzmetti jemisti atqarǵan, basshy laýazymdarda eńbek etken ardager Ertaı Baıbatshın de qala ákiminiń Alǵys hatyna ıe boldy.

Budan keıin sporttyń jeti túrinen jarys bastaldy. Oǵan 9 komanda qatysty. Júgirý, tor ishine dopty iskerlikpen qysqa merzimde shyǵarý, sporttyń basqa túrlerinen báseke tartysty ótti. Nátıjesinde Qaırat Tánekenov basqaratyn qurylys bóliminiń komandasy birinshi oryndy ıelendi. Ekinshi orynda – Samalbek Sama­tov basqaratyn ózin ózi bas­qa­rý komıtetiniń komandasy. Al júl­deli úshinshi orynǵa Erkin Tura­rov jetekshilik etetin turǵyn-úı kommýnaldyq sharýashylyǵy bóli­miniń komandasy taban tiredi.