«Búgin biz altynshy saılanǵan QR Parlamentiniń tórtinshi sessııasyn aıaqtap otyrmyz. Bul dástúr boıynsha atqarylǵan jumystarǵa esep berip, aldaǵy maqsattarǵa nazar aýdaratyn mańyzdy kezeń. Árıne, qaı qoǵamda bolsa da, qaı ýaqytta bolsa da zańnyń orny árqashan da erekshe. Sebebi, zań bar jerde ádildik, bostandyq jáne tynyshtyq bar. Osy jolda Parlament elimiz úshin, halqymyz úshin kóptegen qajetti zańdardy qabyldady. Onda Elbasy Nursultan Ábishuly Nazarbaevtyń tórtinshi sessııanyń ashylýynda bergen tapsyrmalary men Qazaqstan halqyna Joldaýy basshylyqqa alyndy», - dep toqtaldy QR Parlamenti Májilisiniń tóraǵasy Nurlan Nyǵmatýlın.
Osy oraıda ol ótken sessııa mańyzdy tarıhı oqıǵalarǵa toly bolǵanyn atap ótti. Birlesken otyrys barysynda N. Nyǵmatýlın dástúr boıynsha atqarylǵan jumystarǵa esep berdi. «Sessııa barysynda qos palatanyń 5 birlesken otyrysy, Májilistiń 41 jáne Senattyń 26 jalpy otyrysy ótti. Onda 319 mańyzdy másele qaraldy. Jalpy, tórtinshi sessııa bastalǵan kezden 83 zań jobasy qabyldandy. Onyń ishinde 82 qujatqa Memleket basshysy qol qoıyp, olar óz kúshine endi», - dedi Májilis tóraǵasy.
О́tken sessııada Parlamentte 20 Úkimet saǵaty, úsh parlamenttik tyńdaý, 24 «dóńgelek ústel» otyrysy, komıtetterdiń 29 kóshpeli otyrysy, sondaı-aq tórt halyqaralyq konferensııa uıymdastyryldy. Olar óte mańyzdy elimizdiń ekonomıkalyq jáne áleýmettik máselelerine arnaldy. «Parlament jumysynda depýtattyq saýaldardyń róli de óte zor. Ol eń aldymen árbir azamattyń, halqymyzdyń nazarynda júrgen suraqtardy sheshýge baǵyttalady. Osyǵan baılanysty Parlamenttiń qos palatasynyń depýtattary ótken sessııada 319 depýtattyq saýal joldady. Sonyń ishinde Májilis depýtattary 211, Senat depýtattary 108 saýal joldady», - dedi Nurlan Nyǵmatýlın.
Eske sala keteıik, Parlamenttiń tórtinshi sessııasy 2019 jylǵy 5 shildege deıin uzartyldy.
Atap aıtqanda, mańyzdy sharalardy iske asyrý úshin 2019-2021 jyldarǵa arnalǵan respýblıkalyq bıýdjet týraly zańǵa ózgeristerdi engizý qajet boldy. Osyǵan baılanysty bıýdjetke engiziletin ózgeristerdi qarastyrý úshin Parlament sessııasynyń jumys merzimi uzartyldy.
Osy aptada Qazaqstan Parlamenti «2019-2021 jyldarǵa arnalǵan respýblıkalyq bıýdjet týraly» QR Zańyna ózgerister men tolyqtyrýar engizý týraly» Zańyn qabyldady.