Bul jóninde Qazaqstan kásipqoı boks qaýymdastyǵynyń paraqshasynan málim boldy. Qazaqstandyq Jańqosh Turarov jartylaı orta salmaqtaǵy WBO Inter-Continental ekinshi deńgeıli tıtýly úshin aıqasta argentınalyq Maýro Maksımılıano Godoıdy nokaýtpen jeńdi. Olardyń kezdesýi 10 raýndqa eseptelgen bolatyn, biraq úshinshi raýndta, ýaqytynan buryn aıaqtaldy.
Turarov Godoıdy nokdaýnǵa jibergen soń tóreshi onǵa deıin sanady, degenmen argentınalyq boksshy ornynan tura almady. Bul - 28 jastaǵy Jańqosh Turarovtyń 24-shi jeńisi. Ol qarsylastaryn 17 ret nokaýtpen jeńgen. Áli bir de bir ret jeńilmegen.
Al 29 jastaǵy Godoı 34 ret jeńiske jetip, bir ret teń túsken. Bul - onyń besinshi jeńilisi. Aıta keteıik, Nur-Sultandaǵy boks keshin brıtandyq MTK Global kompanııasy men amerıkalyq Top Rank uıymdastyryp otyr.