Japonııa astanasy Tokıoda aýyr atletıkadan Olımpıada qarsańyndaǵy testilik týrnır ótýde. Atalǵan synǵa Ibragım Bersanov pen Ilıa Ilın qatysty dep habarlaıdy Olympic.kz.
109 kelige deıingi salmaqta synǵa túsken qos sportshy da júldegerler qatarynda joq. Bersanov qossaıys qorytyndysy boıynsha 376 kelini baǵyndyryp, altynshy oryn ıelendi. Ilıa Ilın 365 kelimen 8-shi satyǵa turaqtady. Erler arasyndaǵy synǵa barlyǵy 9 atlet qatysqan.
Aýyr atletter dodasynda 406 kelini eńsergen qytaılyq Iаng Je top jarsa, ekinshi jáne úshinshi oryndy Reseı men Koreıa sportshylary ıelendi.