QR Premer-Mınıstri Asqar Mamınniń tóraǵalyǵymen ótken Úkimet otyrysynda QR Tuńǵysh Prezıdenti - Elbasy Nrsultan Nazarbaevtyń Qazaqstan halqyna arnaǵan Joldaýynda qoıylǵan halyq tutynatyn taýarlardyń otandyq óndirisin arttyrý boıynsha mindetterin oryndaý jáne MEmleket basshysy Qasym-Jomart Toqaevtyń el óńirlerinde jumys saparlary kezinde ekonomıkany ártaraptandyrý boıynsha berligen tapsyrmalaryn iske asyrý aıasynda «qarapaıym zattar ekonomıkasyn» damytý máseleleri qaraldy.
Jeńildikpen nesıelendirýdi júzege asyrý Baǵdarlamasyn iske asyrý boıynsha Jobalyq keńse jumysy, «qarapaıym zattar ekonomıkasy» taýarlaryn satyp alýda jergilikti qamtý úlesin arttyrý boıynsha sharalar týraly QR Premer-Mınıstriniń Orynbasary J. Qasymbek, «Atameken» QR UKP tóraǵasy A. Myrzahmetov baıandady. Nur-Sultan qalasynyń ákimi A. Kólginov pen Atyraý oblysynyń ákimi N. Noǵaev tyńdaldy.
«Qarapaıym zattar ekonomıkasyn» damytý arqyly jańa jumys oryndaryn quryp, shaǵyn jáne orta bıznesti damytý, halyqty jumyspen qamtamasyz etý máselelerin sheshemiz, - dedi Asqar Mamın. - Munyń bári jalpy memleketimizdiń ekonomıkasyna oń áserin tıgizedi».
Jobalyq keńse jumysynda «qarapaıym zattar ekonomıkasynyń» 1 trln teńgeden astam somaǵa 1500-den astam jobasy bar.
«Qarapaıym zattar ekonomıkasy» jobalary boıynsha bıznestiń joǵary belsendiligi Aqmola, Mańǵystaý, Pavlodar, Qyzylorda oblystarynda baıqalyp otyr. О́z kezeginde, Atyraý, Qostanaı, Batys Qazaqstan oblystary, Nur-Sultan qalasynyń ákimderine halyq tutynatyn taýarlar óndirisin ulǵaıtý boıynsha jumystardy kúsheıtý, onyń ishinde shyǵarylatyn ónim kólemi men qunyna basa nazar aýdarý tapsyryldy.
QR Úkimetiniń basshysy bıznes-qoǵamdastyq pen memlekettik organdardyń usynystaryn eskere otyryp, «qarapaıym zattar ekonomıkasy» jobalaryn damytý úshin jeńildikti qarjylandyrý sharttary ózgertilgenin aıtty. Atap aıtqanda, paıyzdyq mólsherlemesi 6%-ǵa deıin tómendetildi, qaryzdy tóleýdiń jeńildikti kezeńi engizildi, shyǵarylatyn ónimniń 45 jańa túri qosyldy. Qabyldanǵan sharalar birshama kompanııalarǵa jeńildikti qarjylandyrý múmkindigin beredi.
Osy jumystardy odan ári belsendirý maqsatynda QR Premer-Mınıstri Asqar Mamın aýyl sharýashylyǵy ónerkásibi kesheniniń jobalarynyń aınalym qarajatyn tolyqtyrý úshin sýbsıdııalardy ulǵaıtýǵa qarajat bólý máselesin qarastyrýdy tapsyrdy.
Budan basqa, ortalyq jáne jergilikti atqarýshy organdar, basqarýshy holdıngterge «qarapaıym zattar ekonomıkasynyń» satyp alynatyn otandyq taýarlary men qyzmetterinde jergilikti qamtý úlesin ulǵaıtý boıynsha KRI-ǵa qol jetkizýdi qamtamasyz etý tapsyryldy.
«Qarapaıym zattar ekonomıkasyn» damytý baǵdarlamasy kásipkerlikti damytýdyń jáne jumyspen qamtamasyz etýdiń mańyzdy quraly, - dep atap ótti Asqar Mamın. - Jobalardyń bári óńirlerde iske asyrylady. Ákimder baǵdarlamany iske asyrýǵa belsene atsalysyp, jańa jobalardy usynýy, tıisti túsindirý jumystaryn júrgizýi kerek».