"SÚIINShI, QAZAQ ELI!!! Qazaqstan óneriniń abyroıy taǵy bir márte asqaqtap, «Slavıan bazary-2019» xalyqaralyq festıvalinde memleketimizdiń namysyn qorǵaǵan T.Júrgenov atyndaǵy Qazaq ulttyq óner akademııasy "Estrada óneri" fakýltetiniń 4 kýrs stýdent ÁDILHAN MAKIN - Gran-Prı-ge ıe boldy. Elimizdiń kók baıraǵyn jelbiretip, mereıimizdi tasytqan óner jeńisi qutty bolsyn! Osydan dál tórt jyl buryn "Slavıan bazary-2015" xalyqaralyq festıvalinde DIMASh QUDAIBERGEN tuńǵysh ret Gran-Prıdi jeńip alyp, al 2017 jyly Ernar Sadyrbaı I-shi júldege ıe bolǵan edi. Vıtebskide Dımash Qudaıbergen baǵyndyrǵan bıik bıyl Ádilxan Makınniń jeńisimen jańǵyrdy. Eki kún boıy erekshe talanty men vokaldyq múmkindikteri úılesip, kásibı oryndaýshylyq deńgeıi men akterlik sheberligi jarasym tapqan Ádilxan Makın - qazylar alqasy men alty myńnan astam kórermenniń, onyń syrtynda tikeleı efırdi tamashalaǵan mıllıondaǵan festıval jankúıerleriniń tańdaıyn qaqtyryp, ystyq yqylasyna bólendi", delingen jazbada.
"Memleket basshysy Qasym-Jomart Toqaevtyń Uly aqyn Abaı atamyzdyń 175 jyldyǵyna arnalǵan óleń oqý estafetasy týraly kórermenderge qazaq tilinde xabarlap, «Slavıan bazary» festıvaliniń úlken saxnasynda Abaıdyń «Kózimniń qarasy» ánin arnaıy oryndady. Ádilxan - 2 týrda da úmitkerlerdiń kóshin bastap, qorytyndysynda 178 upaı jınap, qatarlastarynan oq boıy ozyp, sýyrylyp alǵa shyqty. Belarýs, Reseı, Germanııa, Shveısarııa, Bolgarııa, Malta, Izraıl, Kıtaı, Latvııa, Ýkraına, Polsha, Lıtva, Grýzııa, Armenııa, Moldova sekildi memleketteriniń aıtýly estrada ánshileriniń ortasynda top jarýy - elimizdegi óner men mádenıet salasyndaǵy kásibı úrdistiń bıik deńgeıde ekendigin kórsetedi. QR Mádenıet jáne sport mınıstrliginiń qoldaýymen shyǵarmashylyq delegasııa 3 kún boıy festıval jumysy men konfernsııaǵa belsene aralasyp, Qazaqstandaǵy óner keńistiginiń jetistikterimen, tájirıbelerimizben oı bólistik. "Slavıan bazary" xalyqaralyq festıvaliniń resmı ókili Qarlyǵash Ábdikarımova tynymsyz eńbegine, Ádilxannyń vokaldan ustazy - PhD doktory Ioanıs Kaısıdıge jáne osy óner saparyna erekshe qoldaý jasap, ár kún saıyn kásibı keńes-tilekterimen qanattandyryp otyrǵan QR Mádenıet jáne sport mınıstri Aqtoty Raıymqulovaǵa alǵys aıtamyz. Qazaqstannyń án ónerindegi jańa da jarqyn esim Ádilxan Makın - el rýxanııatyn álem keńistikte dáripteý jolynda bıik belesterdi baǵyndyra bersin!" dep jazdy A.Maemerov.