О́tken qys aılarynda páterleri men baspanalary «kógildir otynǵa» qosylmaǵan osyndaı sanattaǵy otbasylarǵa kómir kirgizip berdi. Sondaı-aq ótken jyly «Shańyraq» qory 210 oqýshyǵa mektepke qajetti qural-jabdyqtar alyp bergen edi. Búginde «shańyraqtyqtar» osy dástúrdi odan ári jalǵastyrýdy kózdep, aldaǵy «Mektepke jol» aksııasyna ázirlikter júrgizýde. Qor negizinen jaqsylyq pen qaıyrymdylyq jasaýǵa beıim turatyn, júreginiń jylýy mol azamattardyń demeýi men qoldaýyna arqa súıeıdi. О́z kezeginde olardyń «Shańyraqtyń» ǵalamtordaǵy jeke saıtyna óz usynystaryn bildirip, kómek qoldaryn sozýy da parasattylyq pen qamqorlyqtyń kórinisindeı áser qaldyrady.
Bıylǵy jaz kezinde qor janashyrlary Aqtóbe qalasy mańaıynda uıymdastyrylǵan úzdik jazǵy demalys lagerleriniń biri «Shuǵylada» tynyǵýy úshin kóp balaly jáne az qamtylǵan otbasylardyń balalaryna tegin joldama alyp berdi. Munda olar eki topqa bólinip, 12 kún boıy joǵary deńgeıdegi saýyqtyrý sharalaryna qatyspaq. Ár jetkinshek táýligine 5 mezgil tegin, nárli tamaqpen qamtylmaq. Osy arada «Shańyraq» qory ár balaǵa lager quny úshin 55 myń teńge tóleıtinin aıta ketken jón.
Ata-analar «Shańyraqtyń» óz balalaryna tıgizgen shapaǵaty men kómegine dán rıza.
AQTО́BE