Mártebeli meımandarǵa Qyzyljar óńiriniń ekonomıkalyq áleýeti tanystyrylyp, ınvestorlarǵa qolaıly jaǵdaı jasalatyny, agrarly ólkeniń qunarly jerin tıimdi paıdalaný tájirıbesi ortaǵa salyndy.
« Muhıttyń arǵy betindegi alpaýyt memlekettiń aýyl sharýashylyǵy tehnıkasy básekege qabiletti ekenin jaqsy bilemiz. Egis alqaptarynda “John Deere” fırmasynyń tehnıkalary keńinen qoldanylady. Aldaǵy ýaqytta atalmysh fırma óz fılıalyn ashýǵa nıet tanytsa degen oıymyz bar. Bizdiń óńir toǵyz joldyń torabynda ornalasqandyqtan, aýyl sharýashylyǵy tehnıkasyna suranys úlken. Tipti, Reseıdiń Sibir aımaǵyna jiberýge de jol ashylar edi. Sonymen qatar egis alqaptarynyń ónimdiligin arttyrýda, aýyl sharýashylyǵy mamandaryn daıarlaýda tájirıbe almasqymyz keledi»,degen óńir basshysy jergilikti agrarshylar jańashyldyqtardy tolyq ıgere almaı otyrǵanyn jetkizdi.
Qyzyljar óńiriniń tabıǵaty, oblys ortalyǵynyń tarıhı sáýleti kóz tartatynyn aıtqan AQSh-tyń Qazaqstandaǵy elshisi Ýılıam Mozer qos taraptyq iskerlik baılanys ornatýyna nıetti jáne qoldaý tanytýǵa ázir ekenin aıtty.
Soltústik Qazaqstan oblysy