Búginde Ulttyq ekonomıka mınıstrligi memleket pen bıznes arasyndaǵy múddeler teńgerimin qalyptastyrý jáne qoldaý úshin MJÁ ádisnamasyn jetildirý boıynsha úzdiksiz jumys júrgizip jatyr. Bul týraly QR Úkimetiniń alańynda ótken baspasóz konferensııasy barysynda QR ulttyq ekonomıka vıse-mınıstri Mádı Takıev habarlady.
Onyń aıtýynsha, memlekettik-jekshelik áriptestik ınvestısııalardy barynsha arttyrýy tıis.
«Qoldanystaǵy lımıtterdi barynsha kóp ınvestısııa tartýǵa bolatyndaı etip paıdalaný kerek. Bul, eger bıýdjetten eń az óteletin jobalarǵa basymdyq berilse múmkin bolady», — dedi M. Takıev.
Osy maqsatta Ulttyq ekonomıka mınıstrligi osy jyldyń basynan bastap jobalardyń úsh sanatyn anyqtady:
I sanat — jekeshe seriktestiń ınvestısııalary men operasııalyq shyǵyndaryn bıýdjetten tolyq óteý. Bul 154 MJÁ jobasy. II sanat — bıýdjet esebinen jáne naryqtan kórsetiletin qyzmetter esebinen ınvestısııalardy jartylaı óteý. Bul — 265 joba. III sanat — bıýdjetten ótelmeıdi. О́teý qyzmetter esebinen júrgiziledi (tarıf, memtapsyrys, Tegin medısınalyq kómektiń kepildi kólemi kórsetý, aqyly qyzmetter jáne basqalar). Bul — 137 joba.Atalǵan shara, vıse-mınıstrdiń aıtýynsha, bıýdjetke túsetin júktemeni alyp tastaýǵa jáne kóbirek ınvestısııa tartýǵa múmkindik beredi.
Budan ózge, M. Takıev MJÁ jobalary men olar boıynsha qabyldanǵan mindettemeler aı saıyn monıtorıngten ótedi. Ony «MJÁ ortalyǵy» AQ saıtynan júkteı alasyz.
Memleket basshysynyń tapsyrmasy aıasynda memlekettik-jekeshelik áriptestik jobalarynyń monıtorıngi men baqylaýy kúsheıtiledi jáne kelesi jyldan bastap memlekettik-jekeshelik áriptestik jobalarynyń iske asyrylýyn baǵalaý jańa formatta júrgiziletin bolady.
«Memlekettik-jekeshelik áriptestik jobalaryn iske asyrýdy baǵalaý sheńberinde biz zańnamaǵa qandaı ózgerister qajet ekenin kórip otyrmyz, jergilikti atqarýshy organdarmen shuǵyl jumys isteımiz, keıde jobanyń yqtımal teris nátıjesin, mysaly, sharttardyń buzylýyn, mindettemelerdiń tólenbeýiniń aldyn alýǵa baǵyttaımyz», — dedi M. Takıev.
Sondaı-aq, vıse-mınıstr osy jyldyń mamyr aıynda memlekettik-jekeshelik áriptestik ortalyǵy bazasynda ınvestorlarǵa «bir tereze» qaǵıdaty boıynsha qyzmet kórsetiletinin aıtty. Mundaı aqparattyq qoldaý mynalardy qamtıdy:
ınvestordy oqytý jáne konsýltatıvtik-aqparattyq qamtamasyz etý; ınvestor qyzyǵýshylyq tanytatyn salada respýblıkalyq nemese jergilikti deńgeıdegi memlekettik-jekeshelik áriptestik jobalaryn tańdaý; jospardaǵy, jáne konkýrsqa jarııalanǵan memlekettik-jekeshelik áriptestik jobalary týraly potensıaldy ınvestorlardy aqparattandyrý; Memlekettik-jekeshelik áriptestik jobalaryn iske asyrý satysynda jeke áriptestermen jumys júrgizý.«Árbir júgingen ınvestorlarmen jumys isteıtin menedjerler bar, olar jumysty júrgizip, ázirleý satysyndaǵy jobalardy kórsetedi. Olar ınvestorǵa bir jerden qyzmet alýǵa kómektesedi. Bul tetik pysyqtalǵan», — dedi vıse-mınıstr.
Búginde 300 astam ınvestorlardyń ókilderinen baza qalyptastyryldy. MJÁ ortalyǵynyń «Bir terezesine» kelgen kompanııalardyń basym bóligi jańa memlekettik-jekeshelik áriptestik jobalaryn izdeý ústinde.