Juma, 17 mamyr 2013 1:44
Qyzylorda oblysynyń Jalaǵash aýdanynda qyzyl mııa tamyryn óńdeıtin zaýyttyń irgetasy qalandy. Negizi «BIS-grýpp» JShS 2015 jylǵa deıin úsh zaýyt salýdy josparlaǵan eken. Sonyń qyzyl mııa tamyrynan ertindi daıyndaıtyn birinshi zaýytynyń qurylysy jyldyń sońyna deıin salynyp, óndiris iske qosylady. Al joba quny 1,887 mıllıon teńge. Kásiporynnyń bas dırektory Dildahan Ahmetovtyń aıtýyna qaraǵanda, bul joba elimizdiń ındýstrııalyq-ınnovasııalyq damý baǵdarlamasyna engizilgen.
Juma, 17 mamyr 2013 1:44
Qyzylorda oblysynyń Jalaǵash aýdanynda qyzyl mııa tamyryn óńdeıtin zaýyttyń irgetasy qalandy. Negizi «BIS-grýpp» JShS 2015 jylǵa deıin úsh zaýyt salýdy josparlaǵan eken. Sonyń qyzyl mııa tamyrynan ertindi daıyndaıtyn birinshi zaýytynyń qurylysy jyldyń sońyna deıin salynyp, óndiris iske qosylady. Al joba quny 1,887 mıllıon teńge. Kásiporynnyń bas dırektory Dildahan Ahmetovtyń aıtýyna qaraǵanda, bul joba elimizdiń ındýstrııalyq-ınnovasııalyq damý baǵdarlamasyna engizilgen. Shyǵarylatyn ónim 100 paıyz eksportqa baǵyttalǵan. Mamandar zaýyttan shyǵarylatyn qyzyl mııa tamyrynyń ertindisinen bólek, 1200 túrli medısınalyq preparattarǵa qajetti shıkizat daıyndaıtyn bolady. Álemdik rynokta qyzyl mııa tamyryna Germanııa, AQSh, Túrkııa, Japonııa elderi erekshe suranys tanytyp otyr. Osy zaýyt tolyq qýatynda iske qosylǵanda 320 adam jumyspen qamtylady.
Saltanatty rásimde oblys ákimi Qyrymbek Kósherbaev ınvestorlarǵa jobanyń júzege asýyna jergilikti bılik tarapynan barynsha qoldaý jasalatynyn málimdedi. Al Jalaǵash aýdanynyń ákimi Serik Sermaǵanbetovke aımaq basshysy joba tolyq iske asqanǵa deıin jiti baqylap, járdemdesýdi tapsyrdy. Kásiporyn tek qyzyl mııa tamyryn óńdep qana qoımaı, suranysqa qajetti 2000 gektar jerge qyzyl mııa egetin boldy. О́ndiris jylyna 22 myń tonna qyzyl mııa tamyryn óńdeıdi. Mamandar qazirde Qyzylorda oblysynda 80 myń gektar alqapta qyzyl mııa qorynyń baryn aıtyp otyr.
Erjan BAITILES,
«Egemen Qazaqstan».
Qyzylorda oblysy.