Senbi, 18 mamyr 2013 1:23
Aýyldy jerde turatyn otbasylar úshin eń tıimdi bıznestiń bir túri kúrketaýyq ósirý bolsa kerek. Muny bala kezimizde ózimiz de kórdik. Bizdiń úıimizde kúzdi kúni 50-60-qa deıin kúrketaýyq bolatyn. Sodan qalǵan tájirıbemiz boıynsha aıtsaq, kúrketaýyq kóp bap talǵamaıdy. Ony jemdeý isimen 7-8 jastaǵy bala da shuǵyldana alady. Bizdiń oıymyzsha, bul is taýyq, qaz, úırek sekildi qustardy ósirýden de jeńilirek jáne tıimdirek bolsa kerek.
Senbi, 18 mamyr 2013 1:23
Aýyldy jerde turatyn otbasylar úshin eń tıimdi bıznestiń bir túri kúrketaýyq ósirý bolsa kerek. Muny bala kezimizde ózimiz de kórdik. Bizdiń úıimizde kúzdi kúni 50-60-qa deıin kúrketaýyq bolatyn. Sodan qalǵan tájirıbemiz boıynsha aıtsaq, kúrketaýyq kóp bap talǵamaıdy. Ony jemdeý isimen 7-8 jastaǵy bala da shuǵyldana alady. Bizdiń oıymyzsha, bul is taýyq, qaz, úırek sekildi qustardy ósirýden de jeńilirek jáne tıimdirek bolsa kerek.
Ádette bul isti eń aldymen kúrketaýyq tuqymyn tańdaýdan bastaıdy. Bizdiń elimizde onyń negizinen eki túri bar. Sonyń ishinde qalaıy tústi kelgen keń keýdeli kúrketaýyqtardyń salmaǵy 11-12 kıloǵa deıin tartady.
Ekinshisi aq tústi, keń keýdeli kúrketaýyqtar etiniń sapasymen erekshelenedi jáne ol tez jetiledi.
Kúrketaýyqtardy kútý. Kúrketaýyqtardy basqa qustardan jeke ustap, jeke kútimge alǵan durys. Sebebi, olardyń basqa qustardan turqy iri bolyp keledi. Ádette kúrketaýyqty jeke taýyq qorada baǵady. Shamamen alǵanda eki kúrketaýyq úshin bir sharshy metr jer qaldyrady. Balapandaryn jeke kútimge alady. Kúrketaýyqqa arnalǵan qoranyń berik te biteý bolǵanyn eskergen jón. О́ıtkeni, taýyqtyń bul túri aıazǵa shydamsyz, sondaı-aq ylǵal men jel ótin de onsha jaqtyrmaıdy.
Kúrketaýyqty azyqtandyrý.
Kúrketaýyqtardy azyqtandyrý úshin beloktyq taǵamdar kóbirek qajet etiledi. Qysty kúni úsh ret azyqtandyrylsa, kúzde 4-5 ret azyqtandyrǵan jón. Azyq quramynda kúnine 250-300 gramm shamasynda astyq dánin berip otyrǵan durys bolady.
Jalpy, kúrketaýyq kóp tamaq talǵamaıdy. Kartop, qyzylsha, qyryqqabat, asqabaq, súrlem, júgeri, bıdaı qaldyqtaryn aralastyryp bere berýge bolady. Burshaq daqyldas, kók shóp túrlerin de jeı beredi.
Kúrketaýyq jaz aılarynda kóbirek jaıylady. Osy kezde ol ártúrli shópterdi, qurt-qumyrsqa, shaǵyn ózenderden usaq balyqtar ustap jeı beredi. Eger jaıylysta mundaı múmkindik bolmaǵan jaǵdaıda olardy qosymsha azyqtandyryp otyrý qajet. Tamaq qaldyqtaryn jáne sý berip otyrǵan jón. Al qysty kúni arnaýly alańshada jem berip, qydyrtyp alǵan durys. Alańshany qardan tazartyp, jemdi shashyp tastaıdy. Sebebi kúrketaýyqqa qysty kúni qımyl-qozǵalys qajet bolady. Shashylǵan jemdi terip jeý arqyly ol jaqsy qımyldap, qan taratady. Eger dalanyń temperatýrasy 10 gradýstan sýyq bolsa, onda kúrketaýyqtardy dalaǵa shyǵarmaǵan jón.
Kúrketaýyq ósirý.
Kúrketaýyqty mynandaı tásildermen ósirýge bolady. Ádette kúrketaýyq 27-30 kún aralyǵynda óz jumyrtqasyn basyp shyǵarady. Jumyrtqany nemese balapandardy qus fabrıkalarynan satyp alýǵa da bolady.
Balapandardy bir qabyrǵasyna polıetılen plenkalar tartylǵan jyly da jaryq shaǵyn qoralarda kútimge alǵan jón. Ony jylytý úshin 250 vattyq lampa ilip qoıýǵa bolady. Azyq pen sýdy kletkanyń neǵurlym salqyndaý jerine qoıady. Balapandardyń astyna shóp pen saban tóseýge bolady. Biraq olardy kún saıyn aýystyryp otyrý qajet. 2-2,5 aı shamasynda ósip-jetilgen balapandardy munan ári taýyq qoraǵa aparady. Osy kezde ol qoralarda jeldiń bolmaǵandyǵyn eskergen durys. Qora jaryq bolý úshin oǵan da jylý shashatyn lampa iledi.
Balapandardy alǵashqy kúnderi pisirilgen jumyrtqamen azyqtandyrady. Jumyrtqany usaqtap, bólshektegen durys. Bes kúnnen keıin usaqtalǵan nemese tartylǵan et, irimshik, pııaz bergen durys. On kúnnen keıin pisirilgen kartop pen sút aralastyrylyp untaqtalǵan bıdaı men arpa, ártúrli taǵam qaldyqtarymen azyqtandyryla bastaıdy. Sýǵa jas jumyrtqanyń sary ýyzyn qosý, sondaı-aq sútpen sýarý jón bolady.
Kúrketaýyq ónimderin ótkizý. Ádette kúrketaýyqty et pen jumyrtqasy úshin baǵady. Sonymen qatar, onyń júni men mamyǵy da qajetke jaraıdy. Eń aldymen, osy ónimderdi qaıda ótkizýge bolatyndyǵyn anyqtap alǵan jón. Kúrketaýyqtyń eti óte ótimdi keledi. Ol ádette qalaly jerde jaqsy ótedi. Sonymen qatar, aýyl adamdary da ony taǵam úshin jaqsy paıdalanady. Demek, sizge osy isten turaqty paıda qaratyp otyrý úshin qalyptasqan rynokty biraz zerttep alǵan jón.
Shyǵatyn mólsherli shyǵyndar.
Inkýbatordan jumyrtqa satyp alýǵa (150 dana h 80 teńge) = 12 myń teńge.
Inkýbator satyp alýǵa – 20 myń teńge.
Jyldyq azyq satyp alýǵa – 30 myń teńge.
Sonda barlyq shyǵyn 62 myń teńge turady.
Kiretin kiris kólemi.
Ádette bir kúrketaýyq jylyna 50 men 100 dana aralyǵynda jumyrtqa beredi. Eger siz 50 kúrketaýyq ósiretin bolsańyz, olardan kem degende 2500 dana jumyrtqa alyp, satýǵa bolady. Demek, siz bul isten keminde 200 myń teńge paıda tabasyz.
Bir kúrketaýyq ortasha alǵanda 5-7 kılo et beredi. Kúrketaýyqtyń 1 kılo etiniń baǵasy 1200 teńgeden. Keıbir jerlerde budan arzan da, qymbat ta bolýy múmkin. Sonda shamamen alǵanda, bir kúrketaýyq satsańyz, odan sizge 6 myń teńge kiris kiredi. Eger 10 kúrketaýyq satsańyz, 60 myń teńge kiris kirgizesiz. Biraq bul ispen aınalysqan adam eń kemi bir jyldyń ishinde 50 nemese odan da kóp kúrketaýyqty ósirip, satatyndyǵy anyq. Sonda siz 50 kúrketaýyq ósirip, satatyn bolsańyz 300 myń teńge paıda qaratasyz. Kúrketaýyq ósirýdi bıznes júrgizý maqsatynda qolǵa alǵan otbasy úshin 50 kúrketaýyqtyń ózi túkke turmaıtyndyǵy, olar keminde 200-300 kúrketaýyq ósiretindigi anyq. Sonda siz bul isten bir jyldyń ishinde kem degende 1 mıllıon teńgege jýyq paıda qarata alasyz. Tek qana ony durys uıymdastyryp, jolǵa qoıý jaǵyn eskerińiz. Jyl ótken saıyn bul is sizge jeńildep, onyń esesine beretin paıdasy kóbeıe beretindigine senimimiz mol.
Ázirlegen
Suńǵat ÁLIPBAI,
«Egemen Qazaqstan».
Paıdaly keńesterdi myna saıttardan alýǵa bolady:
http://prohoz.ru/soderzhanie-cyplyat-indeek/
http://alwaystop.ru/post/php?id=55
http://www.fermer.ru/node/2905
http://www.forum-grad.ru/forum236/thread7168/html
http://indogu.narod.ru/indvz.html
http://www./fugl.ru/domashnyaya-ptitsca/indaika/porody-inaukov. html