“MEMLEKETTIK TIL – EL BIRLIGINIŃ KEPILI”

Osyndaı atpen Májiliste ǵylymı-praktıkalyq konferensııa ótedi “Memlekettik til – el birliginiń kepili”. Parlament Májilisiniń uıym­das­tyrýymen atalǵan ǵylymı-prak­tıkalyq konferensııa ústimizdegi jyldyń 19 naýryzy kúni ótedi. “Bir tilde sóıleý – birlik bas­taýy” dep atalatyn negizgi baıan­da­ma­ny Par­lament Májilisiniń Tór­aǵasy, “Nur Otan” halyqtyq-demo­kratııalyq par­tııa­­sy fraksııasynyń jetekshisi Oral Muhamedjanov jasaıdy dep kútilýde. Sonymen qatar, Mádenıet mı­nıstri Muhtar Qul-Muhammed “Qazaq tiliniń qoldanys aıasyn keńeıtý – mańyzdy mem­lekettik is”, al Bilim jáne ǵylym mı­nıstri Janseıit Túı­mebaev “Qazaq­stan Respýblıkasynyń ulttyq bilim berý júıesinde mem­le­kettik tildi damytýdyń jaıy”, Par­la­ment Májilisiniń depýtaty Valerıı Vıshnıchenko “Memlekettik tildi da­mytý – Qazaqstan halqy Assambleıa­sy jumysynyń negizgi baǵyttarynyń biri” degen taqyryp­tardy baıandaıdy. Bas prokýrordyń orynbasary Muh­tar Jórgenbaev “Qazaqstan Res­pýblı­ka­syndaǵy til týraly” Zańnyń orynda­lýyn baqylaýdyń nátıjeleri jáne ba­qy­laýdy jetildirý joldary” jaı­ynda qosymsha baıandama jasaıdy. Jınalystyń sheńberinde senator Ǵarıfolla Esim, Májilis depýtaty Elena Tarasenko, Halyqaralyq “Qazaq tili” qoǵamynyń prezıdenti О́mirzaq Aıt­baev, Pavlodar oblysy­nyń ákimi Baqytjan Saǵyntaev jáne basqalar atalǵan másele boıynsha oı qozǵaıdy. Májilis depýtattary Zaǵıpa Balıeva, Kamal Burhanov, Aldan Smaıyl, Bek­bo­lat Tileýhan forým barysynda kóte­ril­gen máselelerdi seksııalar boıynsha tal­qylaýǵa moderatorlyq etedi. Parlamentte birinshi ret ótkizilip otyrǵan bul konferensııany Oral Mu­ha­medjanov qorytyndylaıdy dep kózdelip otyr.