Shahmat kúnine oraı ári «Rýhanı jańǵyrý» baǵdarlamasy aıasynda ótken týrnır múmkindigi shekteýli azamattardyń arasynda ıntellektýaldy oıyndy nasıhattaı otyryp, olardyń sporttyq sheberligin shyńdaýdy maqsat etedi.
Jyl saıynǵy dástúrli shahmat dodasy «Almaty sport klýby», «Qazaqstannyń zaǵıp sportshylar odaǵymen» birlese ótkizilip otyr. Týrnır áıelder men erler arasynda qatar júrdi. Qyzyqty ári qatań básekelestik jaǵdaıynda ótken dodada áıelder arasynda III oryndy mektep oqýshysy Sabına Ermurat jeńip alsa, II oryn Núrııa Bamuratovanyń, I oryn Lıýbov Vınogradovanyń enshisine tıdi. Al erler arasynda III orynǵa Batyrhan Qurmashev, II orynǵa Jeńis Batyrov jáne I orynǵa Maqsut Jumabekov ıe boldy.
Buqaralyq sıpattaǵy sporttyq sharaǵa ár jyldarda jıyrmadan astam sportshy qatysyp júrgen bolsa, bıylǵy jyly 11 sportshy, onyń ishinde eki mektep oqýshysy qatysty. Jeńimpazdarǵa arnaıy syı-sııapattar men «Aqsaınannyń» táttileri úlestirildi.
ALMATY