Prezıdenttik kadrlyq rezervke irikteý 1 qyrkúıekte bastalady. Bul týraly Memlekettik qyzmet isteri agenttiginiń baspasóz qyzmeti baıandady.
Memleket Basshysy Qasym-Jomart Toqaev óziniń «Igilik barshaǵa! Sabaqtastyq. Ádildik. О́rleý» saılaýaldy baǵdarlamasynda elde Prezıdenttik kadrlyq rezervti qalyptastyrý qajettiligi týraly jarııalady.
Tuńǵysh ret ınnovasııalyq tehnologııalar, ınjenerııa, kásipkerlik qyzmet, medısına, ekonomıka, mádenıet jáne basqa da kóptegen salalarda eleýli nátıjelerge qol jetkizgen jas qazaqstandyqtarda rezervke irikteýden ótýge jáne eldegi joǵary memlekettik, basqarý laýazymdaryna taǵaıyndalýǵa múmkindik paıda boldy.
Irikteý barynsha ashyq ótkiziledi, oǵan 35 jastan aspaǵan, joǵary bilimi jáne keminde 5 jyl jumys ótili bar jas azamattar qatysa alady.
Rezervke qosylýǵa yntaly azamattar úshin birneshe kezeńnen ótý qajet:
kandıdattardyń teorııalyq bilimderin testileý;
kóshbasshylyq qasıetterdi, synı oılaý deńgeıin, strategııalyq kózqarasyn, úmitkerlerdiń ýájdemesi men qundylyqtaryn baǵalaý (esse jazý, jobalardy tanystyrý, suhbattan ótý jáne baǵalaýdyń basqa da quraldary);
Prezıdent Ákimshiliginiń Sarapshylyq komıssııasynda áńgimelesý;
Qazaqstan Respýblıkasy Prezıdentiniń janyndaǵy Kadr saıasaty jónindegi ulttyq komıssııanyń otyrysynda qaraý.
Eger Siz tabysty bastamalardyń avtory bolsańyz, qazaqstandyqtardyń ál-aýqatyn arttyrý úshin jańa jobalar men is júzinde iske asyrylatyn ıdeıalardy usynýǵa, jedel sheshim qabyldaýǵa jáne ınnovasııalarǵa tez beıimdelýge qabiletti bolsańyz «Prezıdenttik kadrlyq rezerv» jobasyna qatysýǵa onlaın ótinim joldańyz!
Qazaqstannyń damýynda sheshýshi ról oınaıtyn jáne ilgerileýdiń qozǵaýshy kúshi bolatyn jas ári tıimdi bolashaq basshylardyń qataryna qosylyńyz.
Tolyq aqparatty MQIA-niń qyzmet.gov.kz saıtynan alýyńyzǵa bolady.