Elbasy bastamasymen jarııalanǵan Jastar jyly aıasynda ótkizilip otyrǵan bul shara elimizdiń úzdik jas tolqyn sýretshileriniń týyndylaryn bir shańyraqqa jınady, dep jazdy QR Ulttyq mýzeıiniń dırektory A. Muhamedıuly áleýmettik jelidegi paraqshasynda.
- Maıly boıaý, grafıka, qysh, ıllıýstrasııa, tresh-art jáne vıdeo-art - avtorlardyń shyǵarmashylyq baǵyttary san alýan. Jastar jumystarynda dúnıege degen kózqarasyn bildirip, áleýmettik máselelerdi kóteredi. Avtorlardyń shyǵarmashylyq stılderi men tehnıkasy san alýan bolsa da, ekspozısııalardy ornalastyrǵanda kórme keńistigi biryńǵaı jáne úılesimdi bolýyn eskerdik, - deıdi Arystanbek Muhamedıuly