«Ravnaıa doroga» avtomektebiniń tyńdaýshylary kópten beri armandaǵan qujatqa qol jetkizdi.
Jobanyń jetekshisi Sálimhan Sábıtovtyń bastamasymen ashylǵan múmkindigi shekteýli jandarǵa arnalǵan avtomekteptiń túlekteri sońǵy testileý synaqtaryn sátti tapsyrdy. Endi olar zińgitteı zamandastary sekildi jeńil kólik júrgizýge tolyq quqyly.
Temir tulpar arnaıy qondyrǵylarmen jabdyqtalǵan. Qolmen basqarý óte yńǵaıly etip oılastyrylǵan. Densaýlyq saqtaý mınıstrliginiń talaby boıynsha azamattardyń eki qoly men bir aıaǵy jumys isteýi qajet», deıdi «Ravnaıa doroga» JShS avtomektebiniń dırektory S. Sábıtov.
Avtomektepti támamdaǵan 7 túlektiń 4-ýi– múmkindigi shekteýli jandar. Solardyń biri Alekseı Maslov synaqtan oıdaǵydaı ótip, júrgizýshi kýáligin ıelendi. Sol sııaqty Ekaterına Zaleskaıa da kólik júrgizýge ruqsat beretin kýálik alǵanyna qýanyshty. Kólik júrgizý onyń bala kezden bergi armany eken. Alaıda densaýlyǵyna baılanysty bul múmkin emesteı kóringen. Alǵash rólge otyrǵan kezde qobaljyǵanymen, tez úırenip ketken.
Joba jetekishsi Sálimhan Sábıtovtyń aldaǵy jospary aýqymdy. Osyndaı bastamany kórshi qalalarda da taratpaq nıette.
Soltústik Qazaqstan oblysy