Qaraǵandy oblysyndaǵy Osakarov aýdanynyń Rodnıkovka aýylyndaǵy «Lega» jáne «Shag» sharýa qojalyqtaryna kún energııasynan qýat alatyn panelder ornatyldy. Atalǵan fermalardy jasyl tehnologııalarǵa kóshirý jaıylymdardy sýlandyrý baǵdarlamasy aıasynda iske asty.
Kún kózinen alynatyn energııa qýaty sharýa qojalyqtarynyń ıelegindegi jaıylymdardy sýmen jáne jaryqpen qamtamasyz etetin bolady.
– Batareıany jaqynda ǵana satyp aldyq. Ol bizge maldy sýarýǵa jáne uńǵymany elektr qýatymen qamtamasyz etýge qajet, deıdi «Shag» sharýa qojalyǵynyń basshysy Aleksandr Shırınskıı.
Kún paneli saǵatyna úsh kılovatt elektr energııasyn óndiredi. Batareıanyń shýaqty kúnderi energııany boıyna jıyp alatyn akkýmýlıatory bolǵandyqtan, onyń jumys isteýi aýa raıynyń qolaılylyǵyna baılanyp qalmaıdy.
О́ńirdiń sharýa qojalyqtaryn qalpyna keltiriletin energııa kózderimen qamtamasyz etý memlekettik-jekemenshik áriptestik negizinde júzege asyrylyp jatyr.
Qaraǵandy oblysy