Juma, 17 mamyr 2013 2:00
Nıý-Iorkte Qazaqstan Respýblıkasy men Domınıka Dostastyǵynyń BUU janyndaǵy Turaqty ókilderi deńgeıinde Birlesken kommıýnıkege qol qoıý arqyly eki el arasynda dıplomatııalyq qarym-qatynas ornatyldy, dep habarlady QR SIM-iniń baspasóz qyzmeti.
Juma, 17 mamyr 2013 2:00
Nıý-Iorkte Qazaqstan Respýblıkasy men Domınıka Dostastyǵynyń BUU janyndaǵy Turaqty ókilderi deńgeıinde Birlesken kommıýnıkege qol qoıý arqyly eki el arasynda dıplomatııalyq qarym-qatynas ornatyldy, dep habarlady QR SIM-iniń baspasóz qyzmeti.
Qazaqstan tarapynan qujatqa bizdiń elimizdiń BUU janyndaǵy Turaqty ókili Birǵanym Áıtimova qol qoısa, Domınıka tarapynan osy eldiń BUU janyndaǵy Turaqty ókili Vıns Henderson qol qoıdy.
Kezdesý barysynda Domınıka elshisi óz eli Qazaqstannyń syrtqy saıası jetistikterin árdaıym nazarda ustap otyratyndyǵyn jáne Qazaqstannyń halyqaralyq bastamalaryn qashanda qoldaıtynyn jetkizdi. Sonymen qatar, ol VI Astana ekonomıkalyq forýmyna jáne Búkilálemdik daǵdarysqa qarsy konferensııaǵa óziniń qatysatynyn rastady. Sheteldik dıplomat atap ótkendeı, Karıb aımaǵy elderi Qazaqstanmen ekijaqty yntymaqtastyqty, sonyń ishinde energetıka, ekonomıka, saýda jáne týrızm salalaryndaǵy ózara yqpaldastyqty damytýǵa yntaly.
Sondaı-aq, Nıý-Iorkte Qazaqstan Respýblıkasy men Sent-Kıts jáne Nevıstiń BUU janyndaǵy Turaqty ókilderi deńgeıinde Birlesken kommıýnıkege qol qoıý arqyly eki el arasynda dıplomatııalyq qarym-qatynas ornatyldy.
Qazaqstan tarapynan qujatqa bizdiń elimizdiń BUU janyndaǵy Turaqty ókili Birǵanym Áıtimova, al Sent Kıts jáne Nevıs tarapynan osy eldiń BUU janyndaǵy Turaqty ókili Delano Frank Bart qol qoıdy.
Kezdesý barysynda Sent-Kıts jáne Nevıs elshisi óz eliniń Qazaqstannyń halyqaralyq bastamalaryna qashanda qoldaý bildirip kele jatqanyn jetkizdi. Sheteldik dıplomat atap ótkendeı, onyń eli Qazaqstanmen ekijaqty yntymaqtastyqty, sonyń ishinde energetıka, ekonomıka, saýda jáne týrızm salalaryndaǵy ózara yqpaldastyqty damytýǵa múddeli.