Almaty ákimdiginde qala ákiminiń orynbasary E. Babaqumarovtyń tóraǵalyq etýimen mindetti áleýmettik medısınalyq saqtandyrý boıynsha óńirlik shtabtyń otyrysy ótti.
«Áleýmettik medısınalyq saqtandyrý qory» UAQ basshysy Aıbatyr Jumaǵulovtyń málimeti boıynsha Almaty qalasy turǵyndary úshin medısınalyq kómekti qarjylandyrý kólemi 2020 jyly 45,5 mlrd. teńgege nemese bir jarym esege ósetin bolady. «Eger 2019 jyly medısınalyq qyzmet bıýdjeti 114,9 mlrd teńge bolsa, onda 2020 jyly 160, 4 mlrd. teńgege jetkizý josparlanǵan», dep atap ótti A. Jumaǵulov. MSQ tóraǵasynyń sózine súıensek, bul medısınalyq saqtandyrý júıesiniń engizilýimen tyǵyz baılanysty.
Birer aıdan keıin tolyq iske qosylatyn reformanyń negizgi maqsaty – medısınalyq qyzmettiń sapasy men qoljetimdiligin arttyrý bolǵandyqtan, reformany aqparattyq-túsindirý jumystaryna jiti kóńil bólinip otyr.
Osyǵan baılanysty Almaty ákimdigi turǵyndar arasynda aqparattandyrý jumystaryn kúsheıtý jóninde naqty tapsyrmalar berdi.
«Reforma qarsańynda qala turǵyndarynyń MÁMS jaıly bilý deńgeıin kóterýimiz qajet. Ásirese, beıresmı jumys isteıtin azamattardyń statýsyn anyqtaýdyń mańyzy zor. Sol sebepti ár turǵynǵa durys málimet berý, sondaı-aq, týyndaǵan suraqtarǵa tolyqqandy jaýap berý reformanyń tabysty júzege asyrylýyna septigin tıgizedi», dedi Almaty ákiminiń orynbasary Erjan Babaqumarov.
Sonymen qatar Medısınalyq saqtandyrý qory jýyq arada jeke baılanys ortalyǵyn iske qospaq. 1406 biryńǵaı baılanys ortalyǵy sarapshylary halyqqa medısınalyq kómek pen saqtandyrý jarnasyna qatysty jan-jaqty málimet berip, jurtshylyqtan túsken aryz-shaǵymdarmen aınalysady.
Esterińizge sala ketsek, «Áleýmettik medısınalyq saqtandyrý qory» KEAQ kepildendirilgen tegin medısınalyq kómek pen áleýmettik medısınalyq saqtandyrý júıesi sheńberinde kórsetiletin qyzmetterdiń qarjy operatory bolyp tabylady.
ALMATY