12 tamyzda polısııaǵa oblys ortalyǵyndaǵy Jýrba kóshesiniń boıynda belgisiz azamattyń qarý alyp júrgendigi jóninde habarlama túsedi. Bul týraly Qyzylorda oblysy Polısııa departamentiniń baspasóz qyzmeti habarlady.
Jedel-izdestirý sharalarynyń nátıjesinde qala turǵyny, 38 jastaǵy azamat ustalyp, tekserý barysynda sholaq myltyq alyndy.
Atalǵan derek boıynsha Qylmystyq kodekstiń 287-babynyń 3-bóligimen (Qarýdy zańsyz ıemdený, berý, ótkizý, saqtaý, tasymaldaý nemese alyp júrý) sotqa deıingi tergep-tekserý bastalyp, ustalǵan kúdikti ýaqytsha ustaý qamaqqa alyndy.
Kúdiktiniń kinási dáleldense sot sheshimimen oǵan bes myń aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna, bes jylǵa deıingi merzimge bas bostandyǵyn shekteýge nemese sol merzimge bas bostandyǵynan aıyrýǵa jaza taǵaıyndalýy múmkin.