Arys qalalyq ortalyq aýrýhanasynda kúrdeli jóndeý jumystary aıaqtaldy. Apattan keıin tolyq jóndeýden ótken aýrýhanada zamanaýı «Trıaj júıesi» iske qosylyp, medısınalyq aqparattyq júıemen qamtyldy. Arnaıy qyzyl, sary, jasyl tústi baǵyttarǵa arnalǵan prınterlermen jabdyqtalyp, elektrondyq qoltańbalar ornatyldy.
Jýyrda Arys qalasynda bolǵan Premer-mınıstr Asqar Mamın qalalyq ortalyq aýrýhananyń jumysymen tanysyp, Túrkistan oblystyq qoǵamdyq densaýlyq basqarmasynyń basshysy Muqan Egizbaevtyń eńbegine joǵary baǵa berdi. Kúrdeli jóndeý jumystarynyń sapasyna asa mán bergen Úkimet basshysy, aýrýhananyń medısınalyq qondyrǵylarmen tolyq jabdyqtalǵanyn atap ótti. Qarqyndy da qajyrly eńbektiń arqasynda aıaqtalǵan aýqymdy istiń halyq ıgiligi úshin jasalǵanyn aıta kele, qyzmet kórsetý sapasyn da arttyrýdy tapsyrdy.
Aıta ketelik, Arys qalasynda tótenshe jaǵdaı saldarynan 1989 jyly salynǵan aýrýhana jartylaı zaqymdanyp, jarylý tolqynynan terezeler synǵan, shatyrdyń konstrýksııasy, ishki jáne syrtqy esikteri, úı-jaıdyń ishi búlingen bolatyn. Ásirese, medısınalyq qondyrǵylar qatty zaqymdanǵan-dy. Oblystyq qoǵamdyq densaýlyq basqarmasynyń uıymdastyrýymen barlyq qondyrǵylar arnaıy tekserýden ótip, qajettileri jańartylǵan qalalyq aýrýhana 200-den astam naýqasty qabyldaýǵa qaýqarly.