Almatyda 28-31 tamyz aralyǵynda «IV International Mountain Festival» taý festıvali ótedi. Bul týraly Almaty qalasy ákimdiginiń baspasóz qyzmeti habarlady.
Shara aıasynda qalanyń týrızm nysandaryn jaıaý aralaýǵa múmkindik bolady. Taý merekesi bul joly da qyzyqty baǵdarlamasymen erekshe bolmaq. Taýǵa júgirip shyǵyp, tómen túsetin jarystar, kúndizgi jáne túngi saıahattar, ulttyq oıyndar uıymdastyrylady.
«Jibek joly» etnıkalyq jármeńkesi, shatyrly lagerler, Almaty qalasynyń kórikti jerlerin aralaýda nazardan tys qalmaıdy. Jarysqa qatysýshylar arnaıy syılyqtarmen marapatalady.
2019 jyldyń 28 tamyzynan 31 tamyzyna deıin jaıaý ekskýrsııa ótkizý josparlanǵan. Tájirbıeli gıdterdiń qatysýymen, Almaty qalasynyń mańyzdy týrıstik nysandaryn qamtıdy.
Baǵdarlama marshrýty 28 - 29 tamyz «Oı - Qaraǵaı» - «Býkreev» shyńy - «Býtakovka shatqaly» - «Qımasarov shatqaly», 29 - 30 tamyz «Qımasarov» shatqalyndaǵy baqylaý alańyna túngi sapar, 30 tamyz «Qımasarov shatqaly» - «Býtakova shatqaly» - «Býtakovka sarqyramasy» jáne 30 - 31 tamyz «Qımasarov shatqaly» - «Fýrmanova shyńy» - «Medeý».
Halyqaralyq taý festıvaline Qazaqstannan jáne basqa elderden 5 myńnan astam qonaq keledi degen aqparat bar.
ALMATY