Astanada Qazaqstannyń «BAITAQ» jasyldar partııasy Saıası keńesiniń keńeıtilgen plenarlyq otyrysy ótip, onda el damýynyń keleshegin aıqyndaıtyn Konstıtýsııanyń jańa jobasy jan-jaqty talqylandy. Oflaın jáne onlaın formatta uıymdastyrylǵan jıynǵa partııa fılıaldarynyń jetekshileri, máslıhat depýtattary, sarapshylar men belgili qoǵam qaıratkerleri qatysty, dep habralaıdy Egemen.kz.
Otyrysqa tóraǵalyq etken partııa Tóraǵasy Azamathan Ámirtaev óz baıandamasynda Memleket basshysy Qasym-Jomart Toqaevtyń bastamasymen júzege asyp jatqan Konstıtýsııalyq reformanyń saıası negizderine toqtaldy. Onyń aıtýynsha, bul reforma zań shyǵarý úderisiniń tıimdiligin arttyrýǵa, bılik tarmaqtarynyń derbestigi men jaýapkershiligin kúsheıtýge, memlekettik basqarý júıesiniń ornyqtylyǵyn qamtamasyz etýge baǵyttalǵan. Sondaı-aq Konstıtýsııalyq reforma jónindegi komıssııa jumysynyń keń qoǵamdyq qatysýmen ótip jatqanyn, e-Otinish platformasy arqyly 1 000-nan astam usynys túskenin atap ótti.
Partııa Tóraǵasy jańa Konstıtýsııa jobasynda ekologııa men adam densaýlyǵy arasyndaǵy baılanystyń tuńǵysh ret negizgi zań deńgeıinde aıqyn ári kúsheıtilgen túrde bekitilýine erekshe nazar aýdardy. Onyń pikirinshe, «taza aýa, taza sý jáne qaýipsiz qorshaǵan orta – azamattardyń ómir sapasyn aıqyndaıtyn basty faktorlar, ári memlekettiń bolashaq urpaq aldyndaǵy tikeleı jaýapkershiligi». Osyǵan baılanysty «BAITAQ» partııasy Konstıtýsııanyń 8-babynda «Ekologııa jáne adam densaýlyǵy» uǵymyn memlekettiń bazalyq qundylyǵy retinde jeke tarmaqpen bekitýdi usyndy.
Erkin Ábil: Tarıhı sabaqtastyqty Konstıtýsııada bekitý – ult jadyn qorǵaý
Keńeıtilgen otyrysta partııanyń Atqarýshy hatshysy Bekbergen Kereı «Konstıtýsııa: ekologııa men damý arasyndaǵy tepe-teńdik» taqyrybynda baıandama jasap, jańa Konstıtýsııa ekologııany memlekettik saıasattyń jekelegen baǵyty emes, qoǵamdyq damýdyń qundylyqtyq negizi retinde aıqyndaıtynyn aıtty. Al Almaty qalalyq fılıalynyń tóraǵasy Alma Qarashqyzy «Adamǵa baǵdarlanǵan memleket modeli» jónindegi sózinde jańa Konstıtýsııa jobasynda adam, onyń ómiri, quqyqtary men bostandyqtary memlekettiń eń joǵary qundylyǵy retinde bekitilgenin atap ótti.
Partııa Tóraǵasynyń keńesshisi Murat Tashıbaev «Qazaqstandaǵy konstıtýsııalyq reformanyń halyqaralyq-quqyqtyq aspektileri» taqyrybyndaǵy baıandamasynda jańa Konstıtýsııany qabyldaý Qazaqstan halqynyń ózin-ózi anyqtaý quqyǵyn júzege asyrýdyń zańdy nysany ekenin jetkizdi. Onyń aıtýynsha, reforma halyqaralyq mindettemelerdi oryndaýǵa, adam quqyqtaryn qorǵaý tetikterin kúsheıtýge, sot júıesiniń táýelsizdigin nyǵaıtýǵa jáne azamattardyń memlekettik basqarýǵa qatysýyn keńeıtýge baǵyttalǵan.
Saıası keńes múshesi, jas tarıhshy Shyńǵys Úsenqul jastar atynan sóz sóılep, Konstıtýsııa jobasynda Uly Dalanyń myńjyldyq memlekettilik dástúrine silteme jasalýynyń mańyzyn atap ótti. Onyń pikirinshe, «Uly Dala» uǵymy Eýrazııa keńistiginde qalyptasqan memlekettilik, quqyqtyq júıe men saıası mádenıettiń tarıhı sabaqtastyǵyn bildiredi.
Qazaq - Uly dala zańyna bas ıgen, ar-uıattan attamaǵan halyq - Q.Toqaev
Bastaýysh partııa uıymynyń basshysy Sergeı Kachanov jańa Konstıtýsııa jobasyn tolyq qoldaıtynyn bildirip, partııa tarapynan óńirlik jáne bastaýysh deńgeıde túsindirý, aqparattyq jumystardy júıeli túrde júrgizýge daıyn ekenin aıtty. Ol azamattardy qoǵamdyq talqylaýǵa keńinen tartýdyń mańyzyn da erekshe atap ótti.
Otyrys qorytyndysy boıynsha «BAITAQ» jasyldar partııasy Konstıtýsııanyń jańa jobasyn adamǵa baǵdarlanǵan, ekologııalyq jaýapty jáne ınstıtýsıonaldyq turǵydan negizdelgen qujat retinde tolyq qoldaıtynyn málimdedi. Partııa aldaǵy ýaqytta da Konstıtýsııa jobasyn qoǵamdyq talqylaýǵa belsendi qatysyp, óńirlerde túsindirý jáne aqparattyq jumystardy júıeli túrde jalǵastyra bermek.
Uly dala – kóshpendiler órkenıetiniń altyn besigi